Sutta Nipāta 5.13

Die vraag van Bhadravudha

‘Begeertelose tuisverlater,
drangvernietiger,
bevryde genotverlater,
vloedoorsteker,
wyse tydverlater—
verlangend na u woord, o held,
het ’n verskeidenheid mense uit die provinsies saamgetrek
en as hulle na u, groot gees, geluister het, gaan hulle weer vertrek;
ek vra u: verduidelik hulle goed
die waarheid wat u ken.’

‘Bhadravudha, van die drang
om alles te wil hê
—of dit nou bo, onder, rondom of in die middel is—
moet mens ontslae raak,
want as jy na wat ook al op aarde gryp ...
kom Mara aangeloop.

Laat die monnik dit verstaan
en aandagtig na niks op aarde gryp nie,
wetend dat dié geslag, aan vat verkleef,
in die Doodsgreep vas is.’