Aṅguttara Nikāya 7

5. Mahāyaññavagga

48. Paṭha­ma­saññā­sutta

“Sattimā, bhikkhave, saññā bhāvitā bahulīkatā mahapphalā honti mahānisaṃsā amatogadhā amata­pari­yosānā.

Katamā satta? Asubhasaññā, maraṇasaññā, āhāre paṭikūlasaññā, sabbaloke anabhi­rata­saññā, aniccasaññā, anicce dukkhasaññā, dukkhe anattasaññā. Imā kho, bhikkhave, satta saññā bhāvitā bahulīkatā mahapphalā honti mahānisaṃsā amatogadhā amata­pari­yosānā”ti.

Pañcamaṃ.