Itivuttaka 7

Sabba­pariñ­ñā­sutta

Vuttañhetaṃ bhagavatā ­vuttama­rahatāti me sutaṃ: 

“Sabbaṃ, bhikkhave, anabhijānaṃ aparijānaṃ tattha cittaṃ avirājayaṃ appajahaṃ abhabbo dukkhakkhayāya. Sabbañca kho, bhikkhave, abhijānaṃ parijānaṃ tattha cittaṃ virājayaṃ pajahaṃ bhabbo dukkhakkhayāyā”ti. Etamatthaṃ bhagavā avoca. Tatthetaṃ iti vuccati: 

“Yo sabbaṃ sabbato ñatvā,
sabbatthesu na rajjati;
Sa ve sabbapariññā so,
sabba­duk­kha­mupac­cagā”ti.

Ayampi attho vutto bhagavatā, iti me sutanti.

Sattamaṃ.