Jātaka

Dukanipāta

Kāsāvavagga

10. Duti­ya­palā­yi­ta­jātaka

“Dhaja­ma­pari­mitaṃ anantapāraṃ,
Duppasahaṃ dhaṅkehi sāgaraṃva;
Girimiva anilena duppasayho,
Duppasaho ahamajja­tādi­sena”.

“Mā bāliyaṃ vilapi na hissa tādisaṃ,
Viḍayhase na hi labhase nisedhakaṃ;
Āsajjasi gajamiva ekacārinaṃ,
Yo taṃ padā naḷamiva pothayissatī”ti.

Duti­ya­palā­yi­ta­jātakaṃ dasamaṃ.
Kāsāvavaggo aṭṭhamo.

Tassuddānaṃ

Varavatthavaco duma­khīṇa­phalaṃ,
Caturo­dhamma­varaṃ purisuttama;
Dhaṅkamagadhā ca tayogirināma,
Gajaggavaro dhajavarena dasāti.