Jātaka

Tikanipāta

Saṅkappavagga

9. Tirīṭa­vaccha­jātaka

“Nayimassa vij­jāmaya­matthi kiñci,
Na bandhavo no pana te sahāyo;
Atha kena vaṇṇena tirīṭavaccho,
Tedaṇḍiko bhuñjati aggapiṇḍaṃ”.

Āpāsu me yud­dhaparā­jitassa,
Ekassa katvā vivanasmi ghore;
Pasārayī kicchagatassa pāṇiṃ,
Tenūdatāriṃ dukhasampareto.

Etassa kiccena idhānupatto,
Vesāyino visayā jīvaloke;
Lābhāraho tāta tirīṭavaccho,
Dethassa bhogaṃ yajathañca yaññan”ti.

Tirīṭa­vaccha­jātakaṃ navamaṃ.