Jātaka

Tikanipāta

Padumavagga

5. Khurappajātaka

“Disvā khurappe dhanuveganunne,
Khagge gahīte tikhiṇe teladhote;
Tasmiṃ bhayasmiṃ maraṇe viyūḷhe,
Kasmā nu te nāhu chambhitattaṃ”.

“Disvā khurappe dhanuveganunne,
Khagge gahīte tikhiṇe teladhote;
Tasmiṃ bhayasmiṃ maraṇe viyūḷhe,
Vedaṃ alatthaṃ vipulaṃ uḷāraṃ.

So vedajāto ajjhabhaviṃ amitte,
Pubbeva me jīvitamāsi cattaṃ;
Na hi jīvite ālayaṃ kubbamāno,
Sūro kayirā sūrakiccaṃ kadācī”ti.

Khurap­pa­jātakaṃ pañcamaṃ.