Jātaka

Tikanipāta

Abbhanta­ra­vagga

9. Nānā­chandajā­taka

“Nānāchandā mahārāja,
ekāgāre vasāmase;
Ahaṃ gāmavaraṃ icche,
brāhmaṇī ca gavaṃ sataṃ”.

Putto ca ājaññarathaṃ,
kaññā ca maṇikuṇḍalaṃ;
Yā cesā puṇṇikā jammī,
uduk­kha­laṃ­bhi­kaṅ­khati.

“Brāhmaṇassa gāmavaraṃ,
brāhmaṇiyā gavaṃ sataṃ;
Puttassa ājaññarathaṃ,
kaññāya maṇikuṇḍalaṃ;
Yañcetaṃ puṇṇikaṃ jammiṃ,
paṭi­pāde­thu­duk­kha­lan”ti.

Nānā­chanda­jātakaṃ navamaṃ.