Jātaka

Catukkanipāta

Pucimandavagga

1. Puci­man­da­jātaka

“Uṭṭhehi cora kiṃ sesi,
ko attho supanena te;
Mā taṃ gahesuṃ rājāno,
gāme kibbisakārakaṃ”.

Yannu coraṃ gahessanti,
gāme kibbisakārakaṃ;
Kiṃ tattha pucimandassa,
vane jātassa tiṭṭhato”.

“Na tvaṃ assattha jānāsi,
mama corassa cantaraṃ;
Coraṃ gahetvā rājāno,
gāme kibbisakārakaṃ;
Appenti nimbasūlasmiṃ,
tasmiṃ me saṅkate mano”.

“Saṅkeyya saṅkitabbāni,
­rak­khey­yā­nāga­taṃ bhayaṃ;
Anāgatabhayā dhīro,
ubho loke avekkhatī”ti.

Puci­man­da­jātakaṃ paṭhamaṃ.