Jātaka

Catukkanipāta

Kuṭi­dūsaka­vagga

1. Kuṭi­dūsaka­jātaka

“Manussasseva te sīsaṃ,
hatthapādā ca vānara;
Atha kena nu vaṇṇena,
agāraṃ te na vijjati”.

“Manussasseva me sīsaṃ,
hatthapādā ca siṅgila;
Yāhu seṭṭhā manussesu,
sā me paññā na vijjati”.

“Ana­vaṭṭhi­ta­cittassa,
lahucittassa dubbhino;
Niccaṃ addhuvasīlassa,
sukhabhāvo na vijjati.

So karassu ānubhāvaṃ,
vītivattassu sīliyaṃ;
Sīta­vāta­parit­tā­ṇaṃ,
karassu kuṭavaṃ kapī”ti.

Kuṭi­dūsaka­jātakaṃ paṭhamaṃ.