Kathāvatthu

Mahāpaṇṇāsaka

Ekādasamavagga

Dham­maṭṭhi­ta­tāka­thā

Dhammaṭṭhitatā pari­nip­phan­nāti? Āmantā. Tāya ṭhitatā pari­nip­phan­nāti? Na hevaṃ vattabbe … pe … tāya ṭhitatā pari­nip­phan­nāti? Āmantā. Tāya tāyeva natthi duk­khas­san­takiriyā, natthi vaṭṭupacchedo, natthi anupā­dā­pari­nib­bā­nanti? Na hevaṃ vattabbe … pe ….

Rūpassa ṭhitatā pari­nip­phan­nāti? Āmantā. Tāya ṭhitatā pari­nip­phan­nāti? Na hevaṃ vattabbe … pe … tāya ṭhitatā pari­nip­phan­nāti? Āmantā. Tāya tāyeva natthi duk­khas­san­takiriyā, natthi vaṭṭupacchedo, natthi anupā­dā­pari­nib­bā­nanti? Na hevaṃ vattabbe … pe ….

Vedanāya ṭhitatā … pe … saññāya ṭhitatā … pe … saṅkhārānaṃ ṭhitatā … pe … viññāṇassa ṭhitatā pari­nip­phan­nāti? Āmantā. Tāya ṭhitatā pari­nip­phan­nāti? Na hevaṃ vattabbe … pe … tāya ṭhitatā pari­nip­phan­nāti? Āmantā. Tāya tāyeva natthi duk­khas­san­takiriyā, natthi vaṭṭupacchedo, natthi anupā­dā­pari­nib­bā­nanti? Na hevaṃ vattabbe … pe ….

Dham­maṭṭhi­ta­tāka­thā niṭṭhitā.