Theravāda Vinaya

Mahāvibhaṅga

Sekhiyakaṇḍa

Sakkaccavagga

31. Sakkac­ca­sikkhā­pada

Tena samayena buddho bhagavā sāvatthiyaṃ viharati jetavane anātha­piṇḍi­kassa ārāme. Tena kho pana samayena chabbaggiyā bhikkhū asakkaccaṃ piṇḍapātaṃ bhuñjanti abhuñjitukāmā viya … pe ….

“Sakkaccaṃ piṇḍapātaṃ bhuñjissāmīti sikkhā karaṇīyā”ti. (31:176)

Sakkaccaṃ piṇḍapāto bhuñjitabbo. Yo anādariyaṃ paṭicca asakkaccaṃ piṇḍapātaṃ bhuñjati, āpatti dukkaṭassa.

Anāpatti— asañcicca, assatiyā, ajānantassa, gilānassa, āpadāsu, ummattakassa, ādi­kammi­kas­sāti.

Paṭha­ma­sikkhā­padaṃ niṭṭhitaṃ.