Theravāda Vinaya

Mahāvibhaṅga

Sekhiyakaṇḍa

Pādukavagga

71. Paccha­to­gamana­sikkhā­pada

Tena samayena buddho bhagavā sāvatthiyaṃ viharati jetavane anātha­piṇḍi­kassa ārāme. Tena kho pana samayena chabbaggiyā bhikkhū pacchato gacchantā purato gacchantassa dhammaṃ desenti … pe ….

“Na pacchato gacchanto purato gacchantassa agilānassa dhammaṃ desessāmīti sikkhā karaṇīyā”ti. (71:216)

Na pacchato gacchantena purato gacchantassa agilānassa dhammo desetabbo. Yo anādariyaṃ paṭicca pacchato gacchanto purato gacchantassa agilānassa dhammaṃ deseti, āpatti dukkaṭassa.

Anāpatti—asañcicca … pe … ādi­kammi­kas­sāti.

Ekāda­sama­sikkhā­padaṃ niṭṭhitaṃ.