Parivāra

Bhik­khu­vibhaṅga

Dutiyabhāga

3. Vipattivāra

Methunaṃ dhammaṃ paṭi­sevana­pac­cayā āpattiyo catunnaṃ vipattīnaṃ kati vipattiyo bhajanti? Methunaṃ dhammaṃ paṭi­sevana­pac­cayā āpattiyo catunnaṃ vipattīnaṃ dve vipattiyo bhajanti—siyā sīlavipattiṃ siyā ācāravipattiṃ … pe …. (1)

Anādariyaṃ paṭicca udake uccāraṃ vā passāvaṃ vā kheḷaṃ vā karaṇapaccayā āpatti catunnaṃ vipattīnaṃ kati vipattiyo bhajati? Anādariyaṃ paṭicca udake uccāraṃ vā passāvaṃ vā kheḷaṃ vā karaṇapaccayā āpatti catunnaṃ vipattīnaṃ ekaṃ vipattiṃ bhajati—ācāravipattiṃ. (2)

Vipattivāro niṭṭhito tatiyo.