“Kiṃsu lokasmi pajjoto,
kiṃsu lokasmi jāgaro;
Kiṃsu kamme sajīvānaṃ,
kimassa iriyāpatho.

Kiṃsu alasaṃ analasañca,
Mātā puttaṃva posati;
Kiṃ bhūtā upajīvanti,
Ye pāṇā pathavissitā”ti.

“Paññā lokasmi pajjoto,
sati lokasmi jāgaro;
Gāvo kamme sajīvānaṃ,
sītassa iriyāpatho.

Vuṭṭhi alasaṃ analasañca,
Mātā puttaṃva posati;
Vuṭṭhiṃ bhūtā upajīvanti,
Ye pāṇā pathavissitā”ti.