Saṃyutta Nikāya 45

4. Paṭipattivagga

36. Dutiya­sāmañ­ña­sutta

Sāvatthi­nidānaṃ. “Sāmaññañca vo, bhikkhave, desessāmi, sāmaññatthañca. Taṃ suṇātha. Katamañca kho, bhikkhave, sāmaññaṃ? Ayameva ariyo aṭṭhaṅgiko maggo, seyyathidaṃ—sammādiṭṭhi … pe … sammāsamādhi. Idaṃ vuccati, bhikkhave, sāmaññaṃ. Katamo ca, bhikkhave, sāmaññattho? Yo kho, bhikkhave, rāgakkhayo dosakkhayo mohakkhayo—ayaṃ vuccati, bhikkhave, sāmaññattho”ti.

Chaṭṭhaṃ.