Saṃyutta Nikāya 48

1. Suddhikavagga

2. Paṭha­ma­sotā­panna­sutta

“Pañcimāni, bhikkhave, indriyāni. Katamāni pañca? Saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ. Yato kho, bhikkhave, ariyasāvako imesaṃ pañcannaṃ indriyānaṃ assādañca ādīnavañca nissaraṇañca yathābhūtaṃ pajānāti—ayaṃ vuccati, bhikkhave, ariyasāvako sotāpanno avini­pāta­dhammo niyato sam­bodhi­parā­yaṇo”ti.

Dutiyaṃ.