Udāna 7.7

Papañ­ca­kha­ya­sutta

Evaṃ me sutaṃ—​   ekaṃ samayaṃ bhagavā sāvatthiyaṃ viharati jetavane anātha­piṇḍi­kassa ārāme. Tena kho pana samayena bhagavā attano papañ­ca­saññā­saṅ­khā­pahānaṃ pacca­vek­kha­māno nisinno hoti.

Atha kho bhagavā attano papañ­ca­saññā­saṅ­khā­pahānaṃ viditvā tāyaṃ velāyaṃ imaṃ udānaṃ udānesi: 

“Yassa papañcā ṭhiti ca natthi,
Sandānaṃ palighañca vītivatto;
Taṃ nittaṇhaṃ muniṃ carantaṃ,
Nāvajānāti sadevakopi loko”ti.

Sattamaṃ.