Arthaviniścayasūtram

14. Catvāri Samyak-Prahāṇāni

Tatra bhikṣavaḥ katamāni catvāri samyak-prahāṇāni?

  1. Iha bhikṣavo bhikṣur-utpannānāṁ pāpakānām-akuśalānāṁ dharmāṇāṁ | prahāṇāya chandaṁ janayati | vyāyacchate, vīryam-ārabhate, cittaṁ pragṛhṇāti, samyak praṇidadhāti ||
  2. Anutpannānāṁ ca pāpakānām-akuśalānāṁ dharmāṇāṁ | anutpādāya chandaṁ janayati | vyāyacchate, vīryam-ārabhate, cittaṁ pragṛhṇāti, samyak praṇidadhāti ||
  3. Anutpannānāṁ kuśalānāṁ dharmāṇām utpādāya chandaṁ janayati | vyāyacchate, vīryam-ārabhate, cittaṁ pragṛhṇāti, samyak praṇidadhāti ||
  4. Utpannānāṁ ca kuśalānāṁ dharmāṇāṁ sthitaye asaṁmoṣāya aprahāṇāya bhūyobhāvāya | vaipulyatāyai paripūryai chandaṁ janayati | vyāyacchate, vīryam-ārabhate, cittaṁ pragṛhṇāti, samyak praṇidadhāti ||

Imāni bhikṣavaś-catvāri samyak-prahāṇāni ||