Arthaviniścayasūtram

20. Ṣoḍaśākārā Ānāpāna-Smṛtiḥ

Tatra bhikṣavaḥ katamā ṣoḍaśākārā ānāpāna-smṛtiḥ?

Iha bhikṣavo [bhiksuḥ] smṛta āśvasan smṛta āśvasām-iti yathā-bhūtaṁ prajānāti | smṛtaḥ vā praśvasan smṛta praśvasām-iti yathā-bhūtaṁ prajānāti ||

  1. Dīrgham-aśvasan dīrgham-aśvasāmīti yathā-bhūtaṁ prajānāti | dīrghaṁ vā praśvasan dīrghaṁ praśvasāmīti yathā-bhūtaṁ prajānāti ||
  2. Hrasvam-āśvasan hrasvam-āśvasāmīti yathā-bhūtaṁ prajānāti | hrasvaṁ vā praśvasan hrasvaṁ praśvasāmīti yathā-bhūtaṁ prajānāti ||
  3. Sarva-kāya-saṁskāra-pratisaṁvedī āśvasan sarva-kāya-saṁskāra-pratisaṁvedī āśvasāmīti yathā-bhūtaṁ prajānāti | sarva-kāya-saṁskāra-pratisaṁvedī praśvasan sarva-kāya-saṁskāra-pratisaṁvedī praśvasāmīti yathā-bhūtaṁ prajānāti ||
  4. Prīti-pratisaṁvedī āśvasan prīti-pratisaṁvedī āśvasāmīti yathā-bhūtaṁ prajānāti | prīti-pratisaṁvedī praśvasan prīti-pratisaṁvedī praśvasāmīti yathā-bhūtaṁ prajānāti ||
  5. Sukha-pratisaṁvedī vā āśvasan sukha-pratisaṁvedī āśvasāmīti yathā-bhūtaṁ prajānāti | sukha-pratisaṁvedī praśvasan sukha-pratisaṁvedī praśvasāmīti yathā-bhūtaṁ prajānāti ||
  6. Pratiprasrambhayan kāya-saṁskārān āśvasan pratiprasrambhayan kāya-saṁskārān aśvasāmīti yathā-bhūtaṁ prajānāti | pratiprasrambhayan kāya-saṁskārān praśvasan pratiprasrambhayan kāya-saṁskārān praśvasāmīti yathā-bhūtaṁ prajānāti ||
  7. Citta-saṁskāra-pratisaṁvedī āśvasan citta-saṁskāra-pratisaṁvedī āśvasāmīti yathā-bhūtaṁ prajānāti | citta-saṁskāra-pratisaṁvedī praśvasan citta-saṁskāra-pratisaṁvedī praśvasāmīti yathā-bhūtaṁ prajānāti ||
  8. Pratiprasrambhayan vā citta-saṁskārān āśvasan pratiprasrambhayan vā citta-saṁskārān āśvasāmīti yathā-bhūtaṁ prajānāti | pratiprasrambhayan vā citta-saṁskārān praśvasan pratiprasrambhayan vā citta-saṁskārān praśvasāmīti yathā-bhūtaṁ prajānāti ||
  9. Citta-pratisaṁvedī āśvasan citta-pratisaṁvedī āśvasāmīti yathā-bhūtaṁ prajānāti | citta-pratisaṁvedī praśvasan citta-pratisaṁvedī praśvasāmīti yathā-bhūtaṁ prajānāti ||
  10. Abhipramodayan me cittam-āśvasan abhipramodayan me cittam-āśvasāmīti yathā-bhūtaṁ prajānāti | abhipramodayan me cittam-praśvasan abhipramodayan me cittam-praśvasāmīti yathā-bhūtaṁ prajānāti ||
  11. Samādadhat cittam-āśvasan samādadhat cittam-āśvasāmīti yathā-bhūtaṁ prajānāti | samādadhat cittam-praśvasan samādadhat cittam-praśvasāmīti yathā-bhūtaṁ prajānāti ||
  12. Vimocayan me cittam-āśvasan vimocayan me cittam-āśvasāmīti yathā-bhūtaṁ prajānāti | vimocayan me cittaṁ praśvasan vimocayan me cittaṁ praśvasāmīti yathā-bhūtaṁ prajānāti ||
  13. Evam-anityānudarśī…
  14. Virāgānudarśī…
  15. Nirodhānudarśī…
  16. Pratiniḥsargānudarśī āśvasan pratiniḥsargānudarśī āśvasāmīti yathā-bhūtaṁ prajānāti | pratiniḥsargānudarśī vā praśvasan pratiniḥsargānudarśī praśvasāmīti yathā-bhūtaṁ prajānāti ||

Iyaṁ bhikṣavaḥ ṣoḍaśākārā ānāpāna-smṛtiḥ ||