Arthaviniścayasūtram

27. Aśītiḥ Anuvyañjanāni

Katamāny-aśīty-anuvyañjanāni?

  1. Tāmra-nakhāś-ca Buddhā Bhagavantaḥ |
  2. snigdha-nakhāś-ca |
  3. tuṅga-nakhāś-ca |
  4. tulya-pāṇirekhāś-ca |
  5. vṛttāṅgulayaś-ca |
  6. citāṅgulayaś-ca |
  7. anupūrvāṅgulayaś-ca |
  8. gūḍha-śirāś-ca |
  9. nirgranthi-śirāś-ca |
  10. gūḍha-gulphāś-ca |
  11. avisama-padāś-ca
  12. siṁha-vikrānta-gāminaś-ca |
  13. nāga-vikrānta-gāminaś-ca |
  14. haṁsa-vikrānta-gāminaś-ca |
  15. vṛṣabha-vikrānta-gāminaś-ca |
  16. pradakṣiṇa-gāminaś-ca |
  17. cāru-gāminaś-ca |
  18. avakra-gātrāś-ca |
  19. vṛtta-gātrāś-ca |
  20. mṛṣṭa-gātrāś-ca |
  21. anupūrva-gātrāś-ca |
  22. pṛthu-cāru-jānu-maṇḍalāś-ca |
  23. paripūrṇa-vyañjanāś-ca |
  24. sama-kramāś-ca |
  25. śuci-gātrāś-ca |
  26. mṛdu-gātrāś-ca |
  27. viśuddha-gātrāś-ca |
  28. adīna-gātrāś-ca |
  29. utsada-gātrāś-ca |
  30. susaṁhata-gātrāś-ca |
  31. suvibhaktāṅga-pratyaṅgāś-ca |
  32. vitimira-śuddha-lokāś-ca |
  33. vṛtta-kukṣayaś-ca |
  34. mṛṣṭa-kukṣayaś-ca |
  35. abhugna-kukṣayaś-ca |
  36. kṣāmodarāś-ca |
  37. gambhīra-nābhayaś-ca |
  38. pradakṣiṇāvarta-nābhayaś-ca |
  39. samanta-prāsādikāś-ca |
  40. śuci-samācārāś-ca |
  41. vyapagata-tilakāla-gātrāś-ca |
  42. tūla-sadṛśa-sukāmāra-pāṇayaś-ca |
  43. snigdha-pāṇi-lekhāś-ca |
  44. gambhīra-pāṇi-lekhāś-ca |
  45. āyata-pāṇi-lekhāś-ca |
  46. nātyāyata-vadanāś-ca |
  47. bimba-pratibimba-darśanāś-ca |
  48. mṛdu-jihvāś-ca |
  49. (tanu-jihvāś-ca) |
  50. tāmra-jihvāś-ca
  51. gaja-garjita-jīmūta-ghoṣāś-ca |
  52. madhura-cāru-mañju-ghoṣāś-ca |
  53. vṛtta-daṁṣṭrāś-ca |
  54. tīkṣṇa-daṁṣṭrāś-ca |
  55. sama-daṁṣṭrāś-ca |
  56. anupūrva-daṁṣṭrāś-ca |
  57. uttuṅga-nāsāś-ca |
  58. śuci-nāsāś-ca |
  59. viśāla-nayanāś-ca |
  60. āyata-nayanāś-ca |
  61. cita-pakṣma-gaṇāś-ca |
  62. nīlotpaladala-nayanāś-ca |
  63. pṛthāyata-vakṣasāś-ca |
  64. āyata-bhruvaś-ca |
  65. ślakṣṇa-bhruvaś-ca |
  66. sama-roma-bhruvaś-ca |
  67. snigdha-bhruvaś-ca |
  68. pīnāyata-karṇāś-ca |
  69. sama-karṇāś-ca |
  70. anupahata-karṇendriyāś-ca |
  71. supariṇata-lalāṭāś-ca |
  72. (pṛthu-lalāṭāś-ca) |
  73. suparipūrṇottamāṅgāś-ca |
  74. bhramara-sadṛśa-keśāś-ca |
  75. vṛtta-keśāś-ca |
  76. śukma-keśāś-ca |
  77. asaṁhata-keśāś-ca |
  78. aparuṣa-keśāś-ca |
  79. surabhi-keśāś-ca |
  80. śrīvatsa-svastika-nandyāvarta-cakra-vajra-padma-matsy-ādi-:

lāñchana-pāṇi-pāda-talāś-ca Buddhā Bhagavanto bhavanti ||

Imāny-aśītir-anuvyañjanāni ||

Conclusion

Yad-uktaṁ Bhagavatā:

“Dharmaṁ vo bhikṣavo deśayiṣyāmi ādau kalyāṇaṁ madhye kalyāṇaṁ paryavasāne kalyāṇaṁ | svarthaṁ savyañjanam | kevalaṁ paripurṇaṁ parisuddhaṁ paryavadātaṁ brahmacaryaṁ saṁprakāśayiṣye | yad-uta, Artha-Viniścayaṁ nāma Dharma-paryāyam.”-iti

Me yad-uktam-idaṁ tat-pratyuktam:

“Etāni vo bhikṣavo ’raṇyāyatanāni vṛkṣa-mūlāni śūnyāgārāṇi | parvata-kandara-giriguhā-palāla-puñjāni | abhyavakāśa-śmaśāna-vana-prastha-pantāni | śayanāsanāni adhyāvasat ||

Dhyāyat, bhikṣavo, mā pramādyat | mā paścād-vipratisāriṇo bhaviṣyatha.”

Idam-anuśāsanam ||

Asmin khalu punar-Dharma-paryāye bhāṣyamāṇe pañcānāṁ bhikṣu-śatānām-anupādāyāsravebhyaś-cittāni vimuktāni ||

Idam-avocad Bhagavān | āttamanāste bhikṣavaḥ sā ca sarvāvatī parṣat | sadeva-mānuṣāsura-gandharvaś-ca loko | Bhagavato bhāṣitam-abhyanandann-iti ||

Artha-Viniścaya-Dharma-Paryāyaḥ Samāptaḥ

Ye dharmā hetu-prabhavā, hetus-teṣāṃ Tathāgato hyavadat | Teṣāṁ ca yo nirodha—evaṁ-vādī mahā-śramaṇaḥ ||

Likhitam-Idaṁ Samvat 319 Caitra Śukla 9