Arthaviniścayasūtram

6. Catvāry-Ārya-Satyāni

Tatra, (bhikṣavaḥ,) katamāni catvāry-ārya-satyāni?

[Tad-yathā:]

  1. Duḥkham-ārya-satyam |
  2. duḥkha-samudayam-ārya-satyam |
  3. duḥkha-nirodham-ārya-satyam |
  4. duḥkha-nirodha-gāminī-pratipad-ārya-satyam ||

6.1 Duḥkham-Ārya-Satyaṁ

Duḥkham-ārya-satyaṁ katamat?

[Tad-yathā:]

Jātir-duḥkham | jarā duḥkham | vyādhir-duḥkham | maraṇaṁ duḥkham | priya-viyogo duḥkham | apriya-saṁyogo duḥkham | yada-pīcchan paryeṣyamāṇo na labhate tad-api duḥkham | saṁkṣipteṇa pañcopādāna-skandhā duḥkham ||

Idam-ucyate duḥkham-ārya-satyam ||

6.2 Duḥkha-Samudayam-Ārya-Satyaṁ

Duḥkha-samudayam-ārya-satyaṁ katamat?

Tad-yathā:

Tṛṣṇā paunarbhavikī | nandīrāgasahagatā tatratatrābhinandinī ||

Idam-ucyate duḥkha-samudayam-ārya-satyam ||

6.3 Duḥkha-Nirodham-Ārya-Satyam

Duḥkha-nirodham-ārya-satyam katamat?

Yad-asyā eva tṛṣṇāyāḥ paunar-bhavikyā | nandī-rāga-sahagatāyās-tatra-tatrābhinandinyā | aśeṣataḥ prahāṇaṁ, pratiniḥsargo, vyantībhāvaḥ | kṣayo virāgo nirodho vyupaśamo ’staṁgamaḥ ||

Idam-ucyate duḥkha-nirodham-ārya-satyam ||

6.4 Duḥkha-Nirodha-Gāminī-Pratipadad-Ārya-Satyaṁ

Tatra duḥkha-nirodha-gāminī-pratipad-ārya-satyaṁ katamat?

Ayam-eva samyag-dṛṣṭyādi-r-āryāṣṭāṅgo mārgaḥ ||

Tad-yathā:

  1. Samyag-dṛṣṭiḥ |
  2. samyak-saṁkalpaḥ |
  3. samyag-vāk |
  4. samyak-karmāntaḥ |
  5. samyag-ājīvaḥ |
  6. samyag-vyāyāmaḥ |
  7. samyak-smṛtiḥ |
  8. samyak-samādhir-iti ||

Ayam-ucyate duḥkhanirodhagāmanīpratipadārya-satyam ||

Imāni bhikṣavaś-catvāry-āryāsatyam ||