Dharmaskandha |

11. upādānapratyayo bhavaḥ |

bhavaḥ katama | āha | upādānāny eva pratītyānekavidhā bhavaprajñaptir uktā bhagavatā | ekavidhā asti bhavaprajñaptir yatra traidhātukāḥ paṃca skandhā uktā bhagavatā | asti bhavaprajñaptir yatrāyatyāṃ punarbhavābhinirvartakaṃ karmoktaṃ bhagavatā | asti bhavaprajñaptir yatropapatt­yaṃ­gikā paṃca skandhā uktā bhagavatā |

katamā bhavaprajñaptir yatra traidhātukāḥ paṃca skandhā bhavā uktā bhagavatā | yad uktaṃ | trayo bhavāḥ kāmabhavo rūpabhavaḥ ārūpyabhavaḥ | iyaṃ bhavaprajñaptir yatra traidhātukāḥ paṃca skandhā bhava uktā bhagavatā |

katamā bhavaprajñaptir yatrāyatyāṃ punarbhavābhinirvartakaṃ karmoktaṃ bhagavatā | yad uktaṃ | yad api tad ānanda karmāyatyāṃ punarbhavāya saṃvartate idam atra bhavasya | iyaṃ bhavaprajñaptir yatrāyatyāṃ punarbhavābhinirvartakaṃ karma bhava uktaṃ bhagavatā |

katamā bhavaprajñaptir yatropapattyāṃ­gikāḥ paṃca skandhā bhava uktā bhagavatā | yad uktaṃ | vijñānaṃ phalgunāhāraṃ yāvad evāyatyāṃ punarbhavābhinirvartaye prādurbhāvāya | iyaṃ bhavaprajñaptir yatropapattyāṃ­gikāḥ paṃca skandhā bhava uktaṃ bhagavatā |

api khalv evam uktaṃ bhagavatā nidānaparyāye vyākaraṇe āyuṣmaty ānande |

asti pratyayam ānanda bhavo | vistareṇa yāvat |

sarvaśo vā punar ānanda upādāne asati api nu bhavaḥ prajñāyeta | no bhadanta | tasmāt tarhy ānanda etan nidānaṃ caiṣa hetur eṣa samudaya eṣa pratyayo bhavasya yad utopādānaṃ | upādānapratyayam ānanda bhava | iti yad uktam idaṃ me tat pratyuktaṃ ||