Dharmaskandha |

4. nāmarūpapratyayaṃ vijñānaṃ |

uddānaṃ ||
dvayapratyayāt* vijñānaṃ phalgunaḥ svātir eva ca
rāgajaṃ dveṣamohaś ca ānando bhavati + +

nāmarūpapratyayaṃ vijñānaṃ katarad | āha | cakṣuḥ pratītya rūpāṇi cotpadyate cakṣurvijñānaṃ | tatra yac cakṣur yāni ca rūpāṇi idaṃ rūpasya tajjā vedanā saṃjñā saṃskārā vijñānaṃ | idaṃ nāmarūpasya manasikāraṃ nāmapratyayasya manovijñānasya | tad ucyate nāmarūpapratyayaṃ manovijñānaṃ |

evaṃ śrotraṃ ghrāṇaṃ jihvāṃ kāyaṃ |

manaḥ pratītya dharmāṃś cotpadyate manovijñānaṃ | tatra ye rūpiṇo manovijñeyā dharmā idaṃ rūpasya tajjā vedanā saṃjñā saṃskārāḥ tajjaṃ vijñānaṃ | idaṃ nāmarūpasya tajjaṃ manasikāraṃ nāmapratyayasya manovijñānasya | tad ucyate nāmarūpapratyayaṃ manovijñānam |

api khalv evam uktaṃ bhagavatā phalgunāvavāde vyākaraṇe | vijñānaṃ phalgunāhāraṃ yāvad evāyatyāṃ punarbhavasyābhinirvṛttaye prādurbhāvāya |

tat katarad vijñānaṃ | āha | yat tad gandharvasya caramaṃ cittaṃ vistareṇa yāvad yasya gandharvasya samanantaraṃ mātuḥ kukṣau kalalam ātmabhāvaṃ saṃmūrcchati | kalalam ātmabhāvaṃ saṃmūrcchatīti | idaṃ rūpasya tajjā vedanā saṃjñā saṃskārās tajjaṃ vijñānaṃ idaṃ nāmasya | ity etad ayoniśomanasikārasahajaṃ nāmarūpaṃ pratītya mātuḥ kukṣau vijñānasyābhinirvṛttir bhavati prādurbhāvas | tad ucyate nāmarūpapratyayaṃ vijñānaṃ |

api khalv evam uktaṃ bhagavatā svātiṃ bhikṣuṃ kaivartapūrviṇam ārabhya |

trayāṇāṃ bhikṣavaḥ sannipātān mātuḥ kukṣau garbhasyāvakrāntir bhavati | vistareṇa yāvad | ity evam ayoniśomanasikāreṇa sahajaṃ nāmarūpaṃ pratītya mātuḥ kukṣau vijñānasyāvakrāntir bhavati prādurbhāvas | tad ucyate nāmarūpapratya­yaṃ vinjñānaṃ |

api khalv evam uktaṃ bhagavatā mahānidānaparyāye |

vistareṇa yāvad | vijñānaṃ ced ānanda nāmarūpapratiṣṭhāṃ na labheta tathāpratiṣṭhite vijñāne anatirūḍhe + + + + + bhavasamudayasamutthāpakaṃ jātijarāmaraṇam abhinirvarteta | no bhadanta | sarvaśo vā punar ānanda nāmarūpe asati api nu vijñānaṃ prajñāyeta | no bhadanta | tasmād ānanda etan nidānaṃ vistareṇa yathā pūrvoktaṃ |