Dharmaskandha |

7. ṣaḍāyatanapratyayaḥ sparśaḥ |

trayāṇāṃ sannipātāc cakṣur ādhyātmikaṃ tathā
cakṣuṣṭo rūpataś caivaṃ na cakṣuṣṭo na rūpataḥ ||

ṣaḍāyatanapratyayaḥ sparśaḥ katama | āha | cakṣuḥ pratītya rūpāṇi cotpadyate cakṣurvijñānaṃ | trayāṇāṃ saṃnipātaḥ sparśaḥ |

evaṃ śrotraghrāṇajihvākāyamanaḥ pratītya dharmāṃś cotpadyate manovijñānaṃ | trayāṇāṃ sannipātāt sparśas | tad ucyate ṣaḍāyatanapratyayaḥ sparśa iti |

api khalu cakṣuḥ pratītya rūpāṇi cotpadyate cakṣurvijñānaṃ | trayāṇāṃ sannipātāt sparśaḥ | tatra cakṣur ādhyātmikam āyatanaṃ rūpaṃ ca bāhyaṃ pratyayaṃ cakṣuḥsaṃsparśasya | tad ucyate ṣaḍāyatanapratyayaḥ sparśa iti |

evaṃ śrotraṃ ghrāṇaṃ jihvā kāyo |

manaḥ pratītya dharmāṃś cotpadyate manovij­ñāna| trayāṇāṃ saṃni pātāt sparśaḥ | tatra mana ādhyātmikam āyatanaṃ dharmāś ca bāhyaṃ pratyayaṃ manaḥsaṃsparśasya | tad ucyate ṣaḍā­yata)napratyayaḥ sparśa iti |

api khalu cakṣuḥ pratītya rūpāṇi cotpadyate cakṣurvij­ñānaṃ | trayāṇāṃ sannipātāt sparśaḥ | cakṣuṣṭo rūpataś ca cakṣurvijñānataḥ |

evaṃ śrotraghrāṇajihvākāyamano vaktavyam |

api khalu cakṣuḥ pratītya rūpāṇi cotpadyate cakṣurvijñānaṃ | trayāṇāṃ sannipātāt* sparśaḥ | tatra sacakṣu + + + + rūpāṇi na cakṣurvijñānaṃ | yā tv eṣā trayāṇāṃ dharmāṇāṃ saṃgati sannikarṣaḥ sannipātaḥ saṃsparśaḥ |

evaṃ śrotraghrāṇajihvākāya­mano vaktavyaṃ |

manaḥ pratītya dharmāṃś cotpadyate manovijñānaṃ | yā tv eṣā trayāṇāṃ dharmāṇāṃ saṃgatiḥ sannikarṣaḥ samavāyaḥ saṃsparśaḥ tad ucyate ṣaḍāyatanapratyayaḥ sparśa | iti sparśaḥ ṣaḍāyatanam āgamya ṣaḍāyatanaṃ niśritya ṣaḍāyatanaṃ pratiṣṭhāya utpadyate samutpadyate jāyate saṃjāyate nirvartayaty abhinirvartayati samudāgacchati prādurbhavati | ayam ucyate ṣaḍāyatanapratyayaḥ sparśa iti |