Vṛkṣasūtra (2nd)

śrāvastyāṃ nidānam |

tatra bhagavān bhikṣūn āmantrayati |

u­pād­ānīyeṣu bhikṣavo dharmeṣv āsvānudarṣino viharato hārakaṃ vijñānaṃ bhavati nāmarūpe | nāma rūpapratyayaṃ ṣaḍā­yatam | ṣaḍāyatanapratyayaḥ sparśaḥ | sparśapratyayā vedanā | vedanāpratyayātṛṣṇā | tṛṣṇāpratyayam upādānam | upādānapratyayo bhavaḥ | bhavapratyayā jātiḥ | jātipratyayaṃ jarāmaraṇaṃ śoka­pari­deva­duḥkha­daurmanasyopāyāsāḥ saṃbhavanti | evam asya kevalasya mahato duḥkhaskandhasya samudayo bhavati |

tadyathā mahāvṛkṣasya mulāvataḥ skandhavataḥ sāravataḥ śākhāpattraphalopetasya yāni cādhogatāni mūlāni tāny tāny ūrdhvam ojam abhiharanti | evaṃ hi sa mahāvṛkṣas tadāhāras tadupādāno dīrgham adhvānaṃ tiṣṭhati |

evam eva upādānīyeṣu dharmeṣv āsvādānudarśino viharato hārakaṃ vijñānaṃ bhavati nāmarūpe | pūrvavad yāyad evam asya kevalasya mahato duḥkhaskandhasya samudayo bhavati |

upādānīyeṣu dharmeṣv anityānudarśino vibhavānudarśino virāgānudarśino nirodhānudarśinaḥ pratiniḥsargarśino na hārakaṃ vijñānaṃ bhavati nāmarupe | tasya nirodhāt ṣaḍāyatananirodhaḥ | ṣaḍāyatananirodhāt sparśanirodaḥ | sparśanirodhād vedanānirodhaḥ | vedanānirodhāt tṛṣṇānirodhaḥ | tṛṣṇānirodhād upādānanirodhaḥ | upādānanirodhād bhavanirodhaḥ | bhavanirodhāj jātinirodhaḥ | jātinirodhāj jarāmaraṇanirodhaḥ | śokaparideva­duḥkhadaurmanasyopāyāsā nirudhyante | evam asya kevalasya mahato duḥkhaskandhasya nirodho bhavati |

tadyathā tasyaiva mahāvṛkṣasya mūlavataḥ skandhavataḥ sāravataḥ śākhāpattraphalopetasya puruṣa utpadyeta

kiṃ manyadhve bhikṣavo nanu sa mahāvṛkṣas tannidānam ucchinnamūlas tālamastakavad anābhavagatika āyatyām anutpādadharmā |

evaṃ bhadanta |

evaṃ eva upādānīyeṣu dharmeṣv anityānudarśino vibhavānudarśino virāgānudarśino nirodhānudarśinaḥ pratiniḥsargānudarśino na hārakaṃ vijñānaṃ bhavati nāmarūpe | tasya nirodhāt ṣaḍāyatananirodhāḥ | pūrvavad yāvan nirodho bhavati |

atha te bhikṣavo bhagavato bhāṣitam abhyanandan | abhinandyānumodya bhagavato ’ntikāt prakrāntāḥ ||