Dvayaṃkāṣṭhasūtra

etad eva sūtraṃ tāvad vaktavyaṃ yāvan nirudhyante vyupaśamanti śītībhavanty astaṃgacchanti |

tadyathā dvayoḥ kāṣṭhayoḥ saṃghaṭanāt sannipātāt samavāyād agnir jāyate teja prādurbhavati | atha tayor eva dvayoḥ kāṣṭhayoḥ nānābhāvād vinābhāvād ya uṣmā so ’ntarhīyeta śītībhavetāṃ kāṣṭhe |

evam eva tasyaivaṃ bhavati | itīme vedanāḥ sparśajāḥ sparśasamudayāḥ sparśajātīyāḥ sparśaprabhavāḥ | tasya tasya sparśasya samudayāt tās tā vedanāḥ samudayanti | tasya tasya sparśasya nirodhāt tās tā vedanā nirudhyante vyupaśamanti śītībhavanty astaṃgacchanti |

evaṃ paśyan śrutavān āryaśrāvakaḥ sparśād api parimucyate | vedanāyāḥ saṃjñāyāḥ saṃskārebhyo vijñānād api parimucyate | parimucyate jāti­jarāv­yādhi­maraṇa­śokapari­devaduḥkhadaurmanasyopāyāsebhyaḥ | parimucyate duḥkhād iti vadāmi ||