Vadetasūtra

vadeta bhikṣus tīrṇā me kāṃkṣā vigatā me kathaṃkathā | atrocchinno me dṛṣṭiśalyaḥ | So Ed.: namety utāvartate; cf. SWTF s.v. pratyudāvṛt na me pratyudāvartate mānasaṃ paritasyam upādāya | katha syād dhi me ātmā |

tasya bhikṣor dhārmyā kathāyāṃ kathyamānāyām āryāyāṃ lokottarāyāṃ

yad utāsmin satīdaṃ bhavaty asyotpādād idam utpadyate |

yad utāvidyāpratyayāḥ saṃskārāḥ pūrvavad yāvat samudayo nirodhaś ca bhavati |

ity evaṃrūpāyāṃ kathāyāṃ kathyamānāyāṃ bhavati kāṃkṣā bhavati vicikitsā aprapte prāptasaṃjñy anadhigate ’dhigatasaṃjñy asākṣākṛte sākṣākṛtasaṃjñī duḥkhī durmanā vipratisārī vihanyate vigatam āpadyate |

tat kasmād dhetoḥ | gaṃbhīram idaṃ sthāna yad uta idaṃpratyayatā pratītyasamutpādaḥ | idam api sudurdarśataraṃ padaṃ yad uta sarvopadhipratiniḥsargas tṛṣṇākṣayo virāgo nirodho nirvāṇam |

dvayam idaṃ saṃskṛtañ cāsaṃskṛtañ ca | tatra saṃskṛtasyotpādo ’pi prajñāyate vyayo ’pi sthityanyathātvam api | asaṃskṛtasya naivotpādaḥ prajñāyate na vyayo na sthityanyathātvam |

iti hi bhikṣavo duḥkhāḥ saṃskārāḥ | śānta nirvāṇam | hetu­samudayād duḥkhasamudayaḥ | hetunirodhād duḥkhanirodhaḥ | chinnaṃ vartma na pravartate | apratisandhi nirudhyate | eṣa evānto duḥkhasya |

tatra bhikṣavaḥ kaḥ parinirvṛtaḥ anyatra yad duḥkhaṃ tan niruddhaṃ tad vyupaśāntaṃ tac chītībhūtaṃ tad astaṃgatam | śāntam idaṃ padaṃ yad uta sarvopadhipratiniḥsargas tṛṣṇākṣayo virāgo nirodho nirvāṇam ||