Bhikṣusūtra

anyataro bhikṣur yena bhagavāṃs tenopajagāma | upetya bhagavatpādau śirasā vanditvaikānte ’sthāt | ekāntasthitaḥ sa bhikṣur bhagavantam idam avocat |

kin nu bhagavatā pratītyasamutpādaḥ kṛta aho svid anyaiḥ |

na bhikṣo mayā pratītyasamutpādaḥ kṛto nāpy anyaiḥ |

api tūtpādād vā tathāgatānām anutpādād vā sthitā eveyaṃ dharmatā dharmasthitaye dhātuḥ | taṃ tathāgataḥ svayam abhijñāyābhi­saṃ­buddhyākhyāti prajñapayati prasthāpayati vibhajati vivaraty uttānīkaroti deśayati saṃprakāśayati |

yadutāsmin satīdaṃ bhavaty asyotpādād idam utpadyate | yadutāvidyāpratyayāḥ saṃskārā yāvat samudayo nirodhaś ca bhavati ||