Ekottarikāgama 11

tadyathā udakahradaḥ kṣubhito luṭhitaḥ kalalībhūtaḥ syāt | tatra cakṣuṣmān puruṣaḥ svaṃ mukhanimittaṃ pratyavekṣamāṇo na paśyet | tat kasya hetor | āvilatvād udakahradasya |

evam eva sa bata āvilena cittena ātmārthaṃ vā jñāsyati parārthaṃ vā ubhayārthaṃ vā uttaraṃ vā manuṣyadharmam alamāryaviśeṣādhigamaṃ jñānaṃ vā darśanaṃ vā sparśavihāratāṃ vā jñāsyati vā drakṣyati vā nedaṃ sthānaṃ vidyate | tat kasya hetor | āvilatvāc cittasya |

tasmāt tarhy evaṃ śikṣitavyaṃ yan na naś cittam āvilaṃ bhaviṣyaty evaṃ vo bhikṣavaḥ śikṣitavyaṃ ||

tadyathā udakahradaḥ accho viprasannaḥ anāvilaḥ syāt | tatra cakṣuṣmān puruṣaḥ svaṃ mukhanimittaṃ pratyavekṣamāṇaḥ paśyet | tat kasya hetor | anāvilatvād udakahradasya |

evam eva sa bata anāvilena cittena ātmārthaṃ vā jñāsyati parārthaṃ vā ubhayārthaṃ vā uttaraṃ vā manuṣyadharmam alamāryaviśeṣādhigamaṃ jñānaṃ vā darśanaṃ vā sparśavihāratāṃ vā jñāsyati vā drakṣyati vā sthānam etad vidyate | tat kasya hetor | anāvilatvāc cittasya |

tasmāt tarhy evaṃ śikṣitavyayac cittaṃ no ’nāvilaṃ bhaviṣyaty evavo bhikṣavaḥ śikṣitavyaṃ || ||

+ + +