Māratajjanīyasūtra

ś­rama­ṇa anenāvavādenāvavadi maitrāsahagatena cittena pūrvavad yāvad vyāhārṣuḥ yatraiṣāṃ dūṣī māraḥ avatāraprekṣī avatāragaveṣī na labhate avatāraṃ na labhate ālambanam |

tena khalu samayena yaḥ kaścic chrāddho brāhamaṇagṛhapatiḥ laṃ karoti sa yadbhūyasā kāyasya bhedāt paraṃ maraṇād apāyadurgativivnipātaṃ narakeṣūpapadyate |

atha dūṣino mārasyāvatāraprekṣino ’vatāragaveṣina etad abhavat | tathāhaṃ na labhe muṇḍakānāṃ śramaṇānāṃ avatāraṃ na labhe ālambanaṃ yannv ahaṃ śrāddhāṃ brāhmaṇagṛhapatīms tathā tathā anvāviśaṃ ye yathā śramaṇāṃ śīlavato guṇavato dṛṣṭvā satkurvaṃti gurukurvaṃti mānayaṃti pūjayaṃti | atra śramaṇānāṃ satk­riyatām gurukriyatām pūjyatāṃ syāc cetasa anyathātvaṃ yathāhaṃ avatāraprekṣī avatāraragaveṣī labhe avatāraṃ labhe ālambanam |

tena khalu samayena śraddhā brāhaṇagṛhapatayaḥ tathā tathā anvāviṣṭā yathā śramaṇāṃ śīlavato guṇavato dṛṣṭvā satkurvaṃti gurukurvaṃti mānayaṃti pūjayaṃti |

apīdānīṃ śikṣodditā piṇḍapātā brāhmaṇagṛhapatibhiḥ prajñaptāḥ | evaṃ cāhuḥ | pratigṛhṇantv asmākaṃ śramaṇāḥ śīlavaṃto guṇavaṃtaḥ śikṣodditāṃ piṇḍapātāṃs tad asmākam bhaviṣyati dīrgharātram arthāya hitāya sukhāya |

apīdānīṃ śramaṇānām ahatāni vastrāṇi navāni dīrghadaśāni rathyāmukheṣu prajñapya evam āhuḥ | ākramantv asmākaṃ śramaṇāḥ śīlavaṃto guṇavaṃtaḥ ahatāni vastrāṇi navāni dīrghadaśāni pādbhyāṃ tad asmākaṃ bhaviṣyati dīrgharātram arthāya hitāya sukhāya |

apīdānīṃ śramaṇānām uttamāṅgaruhāṃ keśāṃ rathyāmukheṣu prajñapyaivam āhuḥ | ākramaṃtu guṇavaṃtaḥ uttamāṅgaruhān keśāṃ pādbhyāṃ tad asmākaṃ bhaviṣyati dīrgharātram arthāya hitāya sukhāya |

apīdānīṃ śramaṇāṃ śīlavato gunavato dṛṣṭvā sarvāṅgair anupariṣvajya antargṛhe praviśya prajñapta evāsane niṣādayaṃti | evam cāhuḥ | nisīdantv asmākaṃ śramaṇāḥ śīlavaṃto guṇavaṃtaḥ prajñapta evāsane tad asmākaṃ bhaviṣyati dīrgharātram arthāya hitāya sukhāya |

atha krakasundasya samyaksaṃbuddhasya śrāvakāḥ satkṛtā gurukṛtā mānitā pūjitā yena krakasundaḥ samyaksaṃbuddhas tenopajagmuḥ |

śramaṇa krakasundena samyaksaṃbuddhena anenāvavādenāvavaditāḥ saṃskāreṣv anityānudarśino viharaṃti rvavad yāvat pratiniḥsargānudarśinaḥ | yatraiṣāṃ dūṣī māraḥ avatāraprekṣī avatāragaveṣī na labhate avatāraṃ na labhate ālambhanam |

tena khalu samayena yakaścic chrāddho brāhamaṇagṛhapatiḥ kālaṃ karoti sa yadbhūyasā kāyasya bhedāt paraṃ maraṇāt sugatau svargaloke deveṣūpadyate |

atha dūṣino mārasyāvatāraprekṣina etad abhavat | tathāpy ahaṃ tr na labhe muṇḍakānāṃ śramaṇānāṃ evam anudarśinām avatāraṃ na labhe ālambanaṃ | yaṃnv ahaṃ kāyena āyuṣmantaṃ vidūram ākrameya |

eko ’yaṃ samayaḥ krakasundas­tathāgato ’rhan samyaksaṃbuddhaḥ sālāyāṃ viharati brāhmaṇagrāmake āyuṣmatā vidūreṇa paścācchramaṇena |

atha krakasundaḥ saṃyaksaṃ­buddhas tasyā eva rātryā atyayāt pūrvāhṇe nivasya pātracīvaram ādāya brāhmaṇagrāmakaṃ piṇḍāya prāviśad āyuṣmatā vidūreṇa paścācchramaṇena |

atha dūṣī māraḥ kumārarūpam anvāviśya śarkaram ādāya āyuṣmato vidūrasya śiro bhagnaṃ rudhiraṃ mukhe gālitam |

tathāpy āyuṣmāṃ viraḥ śirasā bhagnena rudhireṇa mukhe galatā krakasundaṃ samyaksaṃbuddhaṃ pṛṣṭhataḥ pṛṣṭhataḥ samanubaddhaḥ |

adrākṣīt pāpimaṃ krakasundaḥ samyaksaṃbuddho dakṣiṇena sarvakāyena nāgāvalokitena avalokayaṃn āyuṣmato vidūrasya śiro bhagnaṃ rudhiraṃ mukhe galat | dṛṣṭvā ca punar huntiṃ kṛtvā vivācayati | ayaṃ dūṣī māra ṛddhimān | ayam eva dūṣī māro mātrāṃ nājñāsīt |

atra khalu pāpimaṃ yasya kasyacid ananvayāt tathāgatena hunti kṛtvā vivācitaṃ |

atha sa dūṣī māras tasmāt sthānāt samantatareṇa avīcau mahānarake papitaḥ |

tena khalu samayenāvīcer mahānarakasya catasraḥ saṃjñā āsaṃ avīcir avirala iti śataśaṅkur ity api pratyātmavedanīya ity api ṣaṭsparśāyatanīya ity api |