Candropama

evaṃ mayā śrutam ekasmiṃ samaye bhagavāṃ rājagṛhe viharati deva­dattaṃ lābha satkāra ślokam ārabhya bhikṣūn āmantrayati | candropamā bhikṣavo viharata | nityaṃ navakā iva hrīmantaḥ kuleṣv apragalbhā avakṛṣya kāyam avakṛṣya cittaṃ kulāny upasaṃkramata | tad yathā cakṣuṣmāṃ puruṣo jarodapānaṃ vā nadīdurgaṃ vā parvata viṣamaṃ vā avakṛṣya kāyam avakṛṣya cittaṃ vyavalokayed evam eva candropamā viharata nityaṃ navakā iva hrīmantaḥ kuleṣv apragalbhā avakṛṣya kāyam avakṛṣya cittaṃ kulāny upasaṃkramata | kāśyapo hi bhikṣuś candropamo viharati nityaṃ navaka iva hrīmān kuleṣv apragalbho ’vakṛṣya kāyam avakṛṣya cittaṃ kulāny upasaṃkramati | tad yathā cakṣuṣmāṃ puruṣo jarodapānaṃ vā nadī durgaṃ vā parvata viṣamaṃ vā avakṛṣya kāyam avakṛṣya cittaṃ vyavalokayed evam eva kāśyapo hi bhikṣuś candropamo viharati nityaṃ navaka iva hrīmāṃ kuleṣv apragalbhaḥ avakṛṣya kāyam avakṛṣya cittaṃ kulāny upasaṃkrāmati | kiṃ manyatha