Kokanadasūtra

bhagavān rājagṛhe viharati veṇuvane kalandakanivāpe. athāyuṣmān ānandaḥ sa rātryā paścime yāme vyutthāya yena nadī tapodā tenopajagāma. upetya nadyās tapodāyās tīre cīvarakāṇy upanikṣipya nadīṃ tapodām abhyavagāhya gātrāṇi pariṣicya nadīṃ tapodāṃ pratyutthāya, ekacīvaraka asthād gātrāṇy āvāpaya­mānaḥ

tena khalu samayena kokanadaḥ parivrājako yena nadī tapodā tenopajagāma. aśrauṣīd āyuṣmān ānandaḥ kokanadasya parivrājakasya pariṣiñcanaśabdam. śrutvā ca punar āyuṣmatānandenot­kāśanaśabdaḥ kṛtaḥ. aśrauṣīt kokanadaḥ parivrājako tasyot­kāśanaśabdaṃ­. śrutvā ca punar evam āha.

ko ’sy āyuṣman. ahaṃ śramaṇo ’smi. katameṣāṃ śramaṇānām. śākyaputrīyāṇām. pṛccheyam aham āyuṣmāṃ kañcid eva pradeśāmi saced avakāśaṃ kuryāḥ praśnasya vyākaraṇāya. pṛcchāyuṣman. śrutva te vedayiṣyāmi.

kin nv āyuṣman bhavati tathāgataḥ paraṃ maraṇāt. avyākṛtaṃ bhagavatā bhavati tathāgataḥ paraṃ maraṇāt. kin nv āyuṣman na bhavati bhavati ca na bhavati naiva bhavati naiva na bhavati tathāgataḥ paraṃ maraṇāt. avyākṛtaṃ bhagavatā na bhavati bhavati ca na na bhavati naiva bhavati naiva na bhavati tathāgataḥ paraṃ maraṇāt.

kin nv āyuṣman bhavati tathāgataḥ paraṃ maraṇād iti pṛṣṭa avyākṛtam iti vadasi. na bhavati bhavati ca na na bhavati naiva bhavati naiva na bhavati tathāgataḥ paraṃ maraṇād iti pṛṣṭaḥ avyākṛtam iti vadasi. kinv āyuṣman na jānāsi na paśyasi. nāham āyuṣman na jānāmi na paśyāmi. jānāmy ahaṃ paṣyāmi. kin nv āyuṣman jānāsi paśyasi.

dṛṣṭir dṛṣṭisthānaṃ dṛṣṭisthāna tam ahaṃ jānāmi tam ahaṃ paśyāmi. evaṃ cāham āyuṣman jānāmy evaṃ paśyāmi. kin nv ahaṃ na jānāmi na paśyāmi.

ko nāmāyuṣmaṃ. ānanda iti. āścaryaṃ yāvan mahācāryasya śrāvakeṇa sārdham antarākathāsamudāhāraḥ. saced ahaṃ sañjānīyām āyuṣmān ānanda iti etāvat pratibhāsya na haṃta bh. evam uktvā prakrāntaḥ ||