Anāthapiṇḍadasūtra

bhagavān śrāvastyāṃ viharati jetavane anāthapiṇḍadasyārāme. tena khalu samayena anāthapiṇḍado gṛhapatir divāditaḥ śrāvastyā niṣkramati bhagavaddarśanāya bhagavantaṃ paryupāsanāyai.

athānāthapiṇḍadasya gṛhapater etad abhavat*. atiprātas tāvad etarhi bhagavaddarśanāya bhagavantaṃ paryupāsanāyai. bhagavāñ ca bhikṣavaś ca pratisaṃlīnā bhavanti. yan nv ahaṃ yenānyatīrthika­pariv­rāja­kānām ārāmaḥ tenopagaccheyam.

athānāthapiṇḍado gṛhapatir yenānyatīrthika­pariv­rāja­kānām ārāmaḥ tenopajagāma. upetyānyatīrthika­pariv­rāja­kaiḥ sārdhaṃ saṃmukhaṃ saṃmodanīṃ saṃrañjanīṃ kathāṃ vividhān upasaṃhṛtya, ekānte nyaṣīdat.

athānyatīrthika­pariv­rājakā idam avocan. gṛhapate śramaṇasya gautamasya dṛṣṭiṃ vadasi. kā gautamasya dṛṣṭiḥ kiṃ paśyati gautamaḥ. nāham api bhavanto jānāmi kā bhagavato dṛṣṭiḥ kiṃ paśyati bhagavāṃ. tena hi gṛhapate bhikṣusaṃghasya dṛṣṭiṃ vadasi. kā bhikṣusaṃghasya dṛṣṭiḥ kiṃ paśyati bhikṣusaṃghaḥ. nāham api bhavanto jānāmi kā bhikṣusaṃghasya dṛṣṭiḥ kiṃ paśyati bhikṣusaṃghaḥ. tena hi gṛhapate kā gṛhapater dṛṣṭiḥ kiṃ paśyati gṛhapatir. aṅga bhavantas tāvat* svakasvakāṃ dṛṣṭiṃ vyākurvantu. paścān mama dṛṣṭiṃ vyākarotuṃ na duṣkaraṃ bhaviṣyati.

athān­yataro ’nyatīrtikaparivrājako ’nāthapiṇḍadaṃ gṛhapatim idam avocat. mama dṛṣṭiḥ śāsvato loka idaṃ satyaṃ moham anyat. apara evam āha mama dṛṣṭiṛ aśāśvato loka idaṃ satyaṃ mohaṃ anyat* apara evam āha śāśvataś cāśāśvataś ca loka. apara evam āha naiva śāśvato nāśāśvataś ca lokaḥ. antavān lokaḥ. anantavān. antavāṃś cānantavāṃś ca. naivāntavāṃ nānantavāṃ. yo jīvas tac charīram. anyo jīvo ’nyac charīram. bhavati tathāgataḥ paraṃ maraṇāt. na bhavati. bhavati ca na bhavati ca. apara evam āha mama dṛṣṭir naiva bhavati naiva na bhavati tathāgataḥ paraṃ maraṇāt. idaṃ satyaṃ moham anyat.

athānyatīrthika­pariv­rājakā anāthapiṇḍadaṃ gṛhapatim idam avocan* vyākurvāma vayaṃ gṛhapate svakasvakāṃ dṛṣṭim. vyākarotu gṛhapate kā gṛhapater dṛṣṭiḥ kiṃ paśyati gṛhapatir.

mama bhavanto dṛṣṭir bhūtaṃ saṃskṛtaṃ cetayitaṃ pratītyasamutpannaṃ yad bhūtaṃ saṃskṛtaṃ cetayitaṃ pratītyasamutpannaṃ tad anityaṃ yad anityaṃ tad duḥkhaṃ. evaṃ viditvā tasmād aham imāṃ dṛṣṭiṃ sarveṇa sarvaṃ nābhyupagatam.

dṛṣṭiḥ śāśvato loka idaṃ satyaṃ moham anyat. imā dṛṣṭir bhūtaṃ saṃskṛtaṃ cetayitaṃ pratītyasamutpannaṃ yad bhūtaṃ saṃskṛtaṃ cetayitaṃ pratītyasamutpannaṃ tad anityaṃ yad anityaṃ tad duḥkham. tasmād ayam āyuṣmāṃ duḥkham evālīnaḥ. duḥkham evādhyupagataḥ. duḥkham evādhiniviṣṭaḥ. duḥkham eva pratipannaḥ.

evaṃvādī śāśvato loka idam eva satyaṃ moham anyat. evṃ doṣaṃ bhavati. pūrvavad yāvat, naiva bhavati naiva na bhavati tathāgataḥ paraṃ maraṇāt. idaṃ satyaṃ moham anyat* imā dṛṣṭir bhūtaṃ saṃskṛtaṃ cetayitaṃ pratītyasamutpannaṃ yad bhūtaṃ saṃskṛtaṃ cetayitaṃ pratītyasamutpannaṃ tad anityaṃ yad anityaṃ tad duḥkhaṃ. tasmād ayam āyuṣmāṃ duḥkham evālīnaḥ. duḥkham evādhyupagataḥ. duḥkham evādhiniviṣṭaḥ. duḥkham eva pratipannaḥ. evaṃvādī naiva bhavati naiva na bhavati tathāgataḥ paraṃ maraṇāt. idaṃ satyaṃ moham anyat.

athān­yataro ’nyatīrthikaparivrājako ’nāthapiṇḍadaṃ gṛhapatim idam avocat*. nanu gṛhapater api dṛṣṭir bhūtaṃ saṃskṛtaṃ cetayitaṃ pratītyasamutpannaṃ yad bhūtaṃ saṃskṛtaṃ cetayitaṃ pratītyasamutpannaṃ tad anityaṃ yad anityaṃ tad duḥkhaṃ. tasmād gṛhapatir api duḥkham evālīnaḥ duḥkham evādhyupagataḥ. duḥkham evādhiniviṣṭaḥ. duḥkham eva pratipannaḥ.

mama bhavanto dṛṣṭir bhūtaṃ saṃskṛtaṃ cetayitaṃ pratītyasamutpannaṃ yad bhūtaṃ saṃskṛtaṃ cetayitaṃ pratītyasamutpannaṃ tad anityaṃ yad anityaṃ tad duḥkhaṃ. evaṃ viditvā tasmād aham imāṃ dṛṣṭiṃ sarveṇa sarvaṃ nābhyupagatam. evam eva gṛhapate.

athānāthapiṇḍado gṛhapatir anyatīrthika­pariv­rāja­kānām ārāme paraprativādāṃ nigṛhya svakaṃ vādaṃ dīpayitvā pariṣadi siṃhanādaṃ naditvā, utthāyāsanāt prakrāntaḥ. athānāthapiṇḍado gṛhapatir yena bhagavāṃs tenopajagāma. upetya bhagavatpādau śirasā vanditvā ekānte nyaṣīdat. ekāntaniṣaṇṇo ’nāthapiṇḍado gṛhapatir yāvad evāsyābhūt. saṃbahulair anyatīrthika­pariv­rāja­kaiḥ sārdham antarākathāsamudāhāras tat sarvaṃ bhagavato vistareṇārocayati.

evam ukto bhagavān anāthapiṇḍadaṃ gṛhapatim idam avocat*. sādhu sādhu gṛhapate kālena kālaṃ