Śroṇa (1st)

śaripūtra idam avocat |

ye ke cic chroṇa śramaṇā vā brāhamaṇā vā anityena rūpeṇādhruveṇānāśvāsikena vipariṇāmadharmaṇā śreyaṃsaḥ sma iti manyante sadṛśās sma iti manyante hīnā sma iti manyante nānyatra te śroṇa śramaṇā vā brāhmaṇā vā evaṃ yathābhūtasyādarśanāt |

ye ke cic chroṇa śramaṇā vā brāhmaṇā vā anityayā vedanayā saṃjñayā saṃskārair anityena vijñānenādhruveṇānāśvasikena vipariṇāmadharmaṇā vijñānena śreyāṃsaḥ sma iti manyante sadṛśā sma iti manyante hīnā sma iti manyante nānyatra te śroṇaśramaṇā vā brāhmaṇā vā evaṃ yathābhūtasyādarśanād |

ye tu kecit śroṇa śramaṇā vā brāhmaṇā vā anityena rūpeṇādhruveṇānāśvāsikena vipariṇāmadharmaṇā rūpeṇa na śreyāmsa sma iti manyante na sadṛśā sma iti manyante na hīnā sma iti manyante nānyatra te śroṇa śramaṇā vā brāhmaṇā vā anityayā vedanayā saṃjñayā saṃskārair anityena vijñānenādhruveṇānāśvāsikena vipariṇāmadharmaṇā vijñānena na śreyāṃsa sma iti manyante na sadṛśa sma iti manyante na hīnā sma iti manyante nānyatra te śroṇa śramaṇā vā brāhmaṇā vā evaṃ yathābhūtasya darśanāt |

tat kim manyase śroṇa rūpaṃ nityaṃ vā anityaṃ vā |

anityam idaṃ bhoḥ śāriputra |

yat punar anityaṃ duḥkhaṃ tan na vā duḥkhaṃ vipariṇāmadharma api nu tac chrutavān āryaśrāvaka ātmata upagacched | etan mama eṣo ’ham asmy eṣa me ātmeti |

no bhoḥ śāriputra |

kiṃ manyase śroṇa vedanā saṃjñā saṃskārā vijñānaṃ nityaṃ vā anityaṃ vā |

anityam idaṃ bhoḥ śāriputra |

yat punar anityaṃ duḥkhaṃ vipariṇāmadharma api nu tac chrutavān āryaśrāvaka ātmata upagacched | etan mama eṣo ’ham asmi eṣa me ātmeti |

no bhadanta śāriputra |

tasmāt tarhi śroṇa yat kiṃ cid rūpam atītānāgatapratyutpannam ādhyātmikaṃ vā bāhyaṃ vā audārikaṃ vā sūkṣmaṃ vā hīnaṃ vā praṇītaṃ vā yad vā dūre yad vā antike tat sarvaṃ | naitan mama naiṣo ’ham asmi naiṣa me ātmety evam etad yathābhūtaṃ samyakprajñayā draṣṭavyaṃ |

tasmāt tarhi śroṇa yā kā cid vedanā saṃjñā saṃskārā yat kiṃ cid vijñānam atītānāgatapratyutpannam ādhyātmikaṃ vā bāhyaṃ vā audārikaṃ vā sūkṣmaṃ vā pūrvavad yāvat sa vān āryaśrāvako rūpād api nirvidyate vedanāyāḥ saṃjñāyāḥ saṃskārebhyo vijñānād api nirvidyate nirviṇṇo virajyate virakto vimucyate vimuktasya vimuktam iti jñānaṃ bhavati kṣīṇā jātir uṣitaṃ brahmacaryaṃ kṛtaṃ karaṇīyaṃ nāparam asmād bhavaṃ prajānāmīty asmin khalu dharmaparyāye bhāṣyamāṇe śroṇasya gṛhapatiputrasya virajo vigatamalaṃ dharmeṣu dharmacakṣur utpannam |

atha śroṇo gṛhapatiputro dṛṣṭadharmā prāptadharmā viditadharmā paryavagāḍhadharmā tīrṇṇa kāṃkṣas tīrṇavicikitso ṣu vaiśāradyaprāpta utthāyāsanād ekāṃsam uttarāsaṅghaṃ kṛtvā yenāyusmāṃc chāriputras tenāñjaliṃ pranamayya āyusmantaṃ śāriputra idam avocat |

abhikrānto ’haṃ bhadanta śāriputrābhikrāntaḥ yathāhaṃ bhagavantaṃ śaraṇaṃ gacchāmi dharmaṃ ca bhikṣusaṃghaṃ copāsakaṃ ca māṃ dhārayādyāgreṇa yāvaj jīv śroṇo gṛhapatiputra āyuṣmanaḥ śāriputrasya bhāṣitam abhinandyānumodyāyuṣmanaḥ śāriputrasya pādau śirasā vanditvā āyuṣmanaḥ śāriputrasyāntikāt prakrāntaḥ ||