bhikṣuṇī-prakīrṇaka 3

veṭhaka-pratisaṁyuktaṁ

Origin story

bhagavān śrāvastīyam viharati | sthūlanandā dāni bhikṣuṇī saṁbahulāni strīhi sārdhaṁ nadīm ajirāvatīṅ gatvā ekānte cīvarakāṇī nikṣipiya snānāyāvatīrṇā | sā dāni pratikṛtyevottaritvā veṭhakena kāyaṁ veṭhayitvā strīṇām āha | prajāpati nidhyāpayatha māṁ | kim ahaṁ śobhāmi na śobhāmīti | tā dān āhaṁsuḥ | kim punar āryāya muṇḍāya piṇḍilikāya etena kāryaṁ | vayaṁ kāmopabhoganīyā mānārthāya evaṁ karomaḥ | kuṭumbikānāṁ priyatarikā bhaviṣyāmo ti | āryaārye kim etena | yaṁ tāhi strīhi avadhyāpitaṁ taṁ dāni bhikṣuṇīhi śrutaṁ | etaṁ prakaraṇaṁ | pe | yāvad āma bhagavan | bhagavān āha | duṣkṛtaṁ te nande yāvat

The ruling

tena hi na kṣamati veṭhakena kāyaṁ veṭhayituṁ | veṭhaka-pratisaṁyuktaṁ |

Cases

sā eṣā bhikṣuṇī veṭhakena paṭṭakena vā kāyaṁ veṭhayati vinayātikramam āsādayati | atha dāni paṭṭikāya vā lohakena vā kāyaṁ veṭhayati | na kṣamati dvir api vellakaṁ trir api vellakaṁ veṭhayituṁ | atha khu eka parivellakaṁ veṭhayitavyaṁ | atha dāni vātena pārśvaṁ gṛhītaṁ bhavati | gaṇḍam vā piṭakam vā kṣatam vā upahatam vā bhavati kiñcāpi paṭṭakena kāyaṁ veṭhayaty an-āpattiḥ | idam ucyate veṭhaka-pratisaṁyuktaṁ || 3 ||