pācattika-dharma 71

saṁkramaṇaṁ

Origin story

bhagavān vaiśālīyaṁ viharati | atha bhadrā kāpileyī antevāsinīye apratisaṁviditā saṁghāṭiṁ prāvaritvā jñāti-kulaṁ gatā | bhikṣuṇīyo gocaraṁ prasthitāyo | tā dān āhaṁsuḥ | ehy ārye piṇḍapātaṁ gacchāmaḥ | āha | yāvat saṁghāṭīṁ gṛhṇāmi | sā dāni mārgayati ātmanaḥ saṁghāṭin na paśyati | tāye dāni bhavati avaśyam āryāya saṁghāṭīṁṭī prāvaritā | arhati āryā mama saṁghāṭīṁ prāvaritvā gantuṁ | sā dān āha | gacchatha yūyaṁ āryamiśrikāyo nāhaṁ gacchāmi kim arthaṁ | āryā saṁghāṭīṁ prāvaritvā gatā | tā dān āhaṁsuḥ | āryāye saṁghāṭīṁ prāvaritvā āgacchāhīti | sā dān āha | notsahāmi āryā mama guru-vara-bhāvanīyā ceti | na gatā | sā chinna-bhaktā saṁvṛtā | etaṁ prakaraṇaṁ bhikṣuṇīyo mahāprajāpatīye gautamīye ārocayeṁsuḥ | mahāprajāpatī pi gautamī bhagavata ārocayet | yāvad bhagavān āha | śabdāpayatha bhadrāṁ | sā dāni śabdapitā yāvat satyaṁ bhadreti | etad eva sarvaṁ | bhagavān vistareṇa pṛcchati | yāvad evan nāma tvaṁ cīvara-saṁkramaṇaṁ karoṣi | duṣkṛtan te bhadre | tena hi na kṣamati cīvara-saṁkramaṇaṁ kartuṁ | atha khalu bhagavān mahāprajāpatīṁ gautamīm āmantrayati | peyālaṁ | yāvat |

Ruling

yā puna bhikṣuṇī cīvara-saṁkramaṇaṁ kuryāt pācattikaṁ |

Definitions

  • yā puna bhikṣuṇī ti | peyālaṁ
  • cīvaran ti cīvaraṁ nāma saṁghāṭi yāvat daka-śāṭikā |
  • saṁkramaṇan ti anyā anyāya |

pācattikaṁ yāvat prajñaptiḥ |

Permutations

na dāni kṣamati antevāsinīye apratisaṁviditā saṁghāṭīṁ prāvarituṁ | atha dāni prāvarati vaktavyā iyam mayā saṁghāṭī prāvaritā | yadi praviśeṣi mama saṁghāṭīṁ prāvaritvā praviśesi | athātirekaṁ cīvaram bhavati vaktavyā | iyam mayā tava saṁghāṭī prāvaritā | yadi praviśesi iminā cīvareṇa praviśesīti |

atha dāni bhikṣuṇī saṁghāṭiṁ dhoveti vā sīveti vā raṁjeti vā | yadi pratibalā bhavati tasyā api saṁvibhāgaṁ kartavyaṁ | vaktavyā | tiṣṭha tvaṁ iheva ahan tava piṇḍapāta-saṁvibhāgaṁ kariṣyāmīti | bhikṣuṇāpy evaṁ vaktavyaṁ | na vadati vinayātikramam āsādayati | tena bhagavān āha |

Restatement of rule

yā puna bhikṣuṇī cīvara-saṁkramaṇaṁ kuryāt pācattikaṁ |