Gilgit Buddhist Manuscripts 2

mūlasarvāstivāda bhikṣu prātimokṣa

4 pārājikā rules

pārājika 2

yaḥ punar bhikṣur grāmagatam araṇyagataṃ vā pareṣāṃ adattaṃ steyasaṃkhyātam ādadīta yadrūpeṇādattādānena rājā vainaṃ gṛhītvā rājamātro vā hanyād vā badhnīyād vā pravāsayed vā evaṃ cainaṃ vadet tvaṃ bhoḥ puruṣa bālo ’si mūḍho ’si steyo ’sīty evaṃrūpaṃ bhikṣur adattaṃ ādadāvaḥ ayam api bhikṣuḥ pārājayiko bhavaty asaṃvāsyaḥ

pārājika 3

yaḥ punar bhikṣur manuṣyaṃ vā manuṣyavigrahaṃ vā svahastaṃ saṃcintya jīvitād vyaparopayec chastraṃ vainam ādhārayec chastrādhārakaṃ vāsya paryeṣeta maraṇāya vainaṃ samādāpayen maraṇavarṇaṃ vāsyānusaṃvarṇayed evaṃ cainaṃ vaded dhaṃ bhoḥ puruṣo kiṃ te anena pāpakenāśucinā durjīvitena mṛtaṃ te bhoḥ puruṣa jīvitād varam iti cintānumataiś cittasaṃkalpair anekaparyāyeṇa maraṇāya vainaṃ samādāpayen maraṇavarṇaṃ vāsyānu­saṃ­varṇayet sa ca tena kālaṃ kuryād ayam api bhikṣuḥ pārājiko bhavaty asaṃvāsya ||

pārājika 4

yaḥ punar bhikṣur anabhijānann aparijānann asantam asaṃvidya­māna­m ... viśeṣādhigamaṃ jñānaṃ vā darśanaṃ vā sparśavihāratāṃ vā pratijānīyād idaṃ jānāmīdaṃ paśyāmīti sa pareṇa samayena samanuyujyamāno vā asamanuyujyamāno vā āpanno viśuddhiprekṣy evaṃ vaded ajānaty evāham āyuṣmanto ’vocaṃ jānāmīty apaśyann evā ...ayam api bhikṣuḥ pārājiko bhavaty asaṃvāsyaḥ ||

uddiṣṭā me āyuṣmantaś catvāraḥ pārājikā dharmā yeṣāṃ bhikṣur an­yata­mān­yatamam āpattim adhyāpatya na labhate bhikṣubhiḥ sārdhaṃ saṃvāsaṃ bhogaṃ vā yathāpūrvaṃ tathāpaścāt pārājiko bhavaty asaṃvāsya ||

tatrāham āyuṣmantaḥ paripṛcchāmi ...dvir api trir api paripṛcchāmi kaccit sthātra pariśuddhāḥ pariśuddhā atrāyuṣmanto yasmāt tūṣṇīm evam etad dhārayāmi

13 saṃghāvaśeṣa rules

... [4] caryā [5] sāṃcaritraṃ [6] kuṭikā [7] mahallakaḥ [8] amūlaka [9] leśika [10] saṃghabhedas [11] tasyānuvarti [12] kuladūṣaka [13] daurvacasya ...

ime khalv āyuṣmantas trayodaśa saṃghāvaśeṣā dharmā anvardhamāsaṃ prātimokṣasūtroddeśam āgacchanti

saṃghāvaśeṣa 1

saṃcintya śukravisṛṣṭir anyatra svapnāntarāt saṃghāvaśeṣaḥ

saṃghāvaśeṣa 2

yaḥ punar bhikṣur avalavipariṇatena cittena mātṛgrāmeṇa sārdhaṃ kāyasaṃsargaṃ samāpadyeta hastagrahaṇaṃ vā bāhu ...

pāyantikā rules

pāyantika 33

pāyantikā || dvau trīn vā pātrapūrān pratigṛhya bahir ārāmaṃ gatvā santo bhikṣavaḥ saṃvibhaktavyā ātmanā ca paribhoktavyaṃ ayaṃ tatra samayaḥ ||

pāyantika 34

yaḥ punar bhikṣur bhuktavān pravāritaḥ akṛtaniriktaṃ khādanīyabhojanīyaṃ khāded bhuṃjīta vā pāyantikā ||

pāyantika 35

yaḥ punar bhikṣur jānan bhikṣuṃ bhuktavantaṃ pravāritam akṛta atiriktena khādanīyabhojanīyenātyarthaṃ pravārayed idam āyuṣmaṃ khāda idaṃ bhuṃkṣva ity āsādanaprekṣī kaścid eṣa bhikṣur āsādito bhaviṣyaty etad eva pratyayaṃ kṛtvā pāyantikā ||

pāyantika 36

gaṇabhojanād anyatra samayāt pāyantikā || tatrāyaṃ samayaḥ : glānasamayaḥ karmasamayo ’dhvasamayo nāvādhirohaṇaṃ mahāsamājaḥ śramaṇabhaktam ayaṃ tatra samayaḥ ||

pāyantika 37

yaḥ punar bhikṣur akāle khādanīyabhojanīyaṃ khāded bhuṃjīta vā pāyantikā ||

pāyantika 38

yaḥ punar bhikṣuḥ saṃnihitaṃ khādanīyabhojanīyaṃ khāded bhuṃjīta vā pāyantikā ||

pāyantika 39

yaḥ punar bhikṣur adattaṃ mukhābhyavahāryam āhāram āhared anyatrodakadantakāṣṭhāt pāyantikā ||

pāyantika 40

yāni tāni bhagavatā bhikṣūṇāṃ praṇītabhojanāny akhyātāni tadyathā kṣīraṃ dadhi navanītaṃ matsyo māṃsavallūrā || yaḥ punar bhikṣur imāny evaṃrūpāṇi praṇītabhojanāny ātmārtham aglānaḥ parakulebhyo vijñāpya khāded bhuṃjītā vā pāyantikā || ☸ ||

uddānaṃ || saprāṇabhojane sthānaṃ niṣadyācela senayā dvirātraudyūṣikāṃ gacchet prahārodgūra duṣṭhulāḥ || ☸ ||

pāyantika 41

yaḥ punar bhikṣur jānan saprāṇakam udakaṃ paribhuṃjīta pāyantikā ||

pāyantika 42

yaḥ punar bhikṣur jānan sabhojane kule anupraskadyāsane niṣadyāṃ kalpayet pāyantikā ||

pāyantika 43

yaḥ punar bhikṣur jānan sabhojane kule rahasi praticchanne ’titiṣṭhet pāyantikā ||

pāyantika 44

yaḥ punar bhikṣur acelakāya vā acelikāyai vā parivrājakāya vā parivrājikāyai vāstamāstaṃ khādanīyabhojanīyaṃ dadyāt pāyantikā ||

pāyantika 45

yaḥ punar bhikṣur udyuktāṃ senāṃ darśanāyopa­saṃk­rāmet pāyantikā ||

pāyantika 46

syāt khalu bhikṣoḥ tadrūpaḥ pratyaya udyuktāṃ senāṃ darśanāyopasaṃkramituṃ dvirātrapa­ramaṃ tena bhikṣuṇā tasyāṃ senāyāṃ vipravastavyaṃ tata uttari vipravaset pāyantikā || = || = ||

pāyantika 47

dvirātram api ced bhikṣus tasyāṃ senāyāṃ vipravasann udyūṣikāṃ vā gacched dhvajāgraṃ vā balāgraṃ vā senāvyūham anīkasaṃdarśanaṃ vā pratyanubhavet pāyantikā ||

pāyantika 48

yaḥ punar bhikṣur abhiṣaktaḥ kupitaś caṇḍībhūto ’nāttamanā bhikṣoḥ prahāraṃ dadyāt pāyantikā ||

pāyantika 49

yaḥ punar bhikṣur abhiṣaktaḥ kupitaś caṇḍībhūto ’nāttamanā bhikṣoḥ prahāram udgūrayed antatas talaśaktikā pāyantikā ||

pāyantika 50

yaḥ punar bhikṣur jānan bhikṣor duṣṭhūlām āpattiṃ praticchādayet pāyantikā || ☸ ||

uddānaṃ sparśo jyotiś chando ’nupasaṃpādanena dharmavādī ca śramaṇoddeśo daurvarṇyaṃ ratnaparidāhasamayaś ca || ☸ ||

pāyantika 51

yaḥ punar bhikṣur bhikṣum evaṃ vaded ehy āyuṣman kulāny upasaṃkramiṣyāvaḥ tatra te dāpayiṣyāmi praṇītaṃ khādanīyabhojanīyaṃ yāvad āpta sa tasyādāpayitvā tataḥ paścād eva vaded gaccha tvam āyuṣman na cet tvayā sārdhaṃ sparśo bhavati kathāyāṃ vā niṣadyāyāṃ vā api tv ekākina eva me sparśo bhavati kathāyāṃ vā niṣadyāyāṃ vā ity udyojanaprekṣī kaścid eṣa bhikṣur udyojito bhaviṣyatīty etad eva pratyayaṃ kṛtvā pāyantikā ||

pāyantika 52

yaḥ punar bhikṣur ātmārtham aglāno vitapanaprekṣī jyotiḥ samavadadhyāt samavadhāpayed vā pāyantikā ||

pāyantika 53

yaḥ punar bhikṣur dhārmike saṃghakaraṇīye bhikṣoś chandaṃ datvā paścād abhiṣaktaḥ kupitaś caṇḍībhūto nāttamanāḥ kṣepadharmam āpadyeta āhara bhikṣo cchandaṃ na te dadāmīti pāyantikā ||

pāyantika 54

yaḥ punar bhikṣur anupasaṃpannena pudgalena sārdhaṃ dvirātrād ūrdhvaṃ sahāgāraśayyāṃ prakalpayet pāyantikā ||

pāyantika 55

yaḥ punar bhikṣur evaṃ vadet tathāhaṃ bhagavato dharmaṃ deśitam ājānāmi yathā ye āntarāyikā dharmā uktā bhagavatā tenāpratisevyamānā nālam antarāyāyeti sa bhikṣur bhikṣubhir idaṃ syād vacanīyo mā tvam āyuṣmann evaṃ vocas tathāhaṃ bhagavato dharmaṃ deśitam ājānāmi yathā ye āntarāyikā dharmā uktā bhagavatā te ca pratisevyamānā nālam antarāyāyeti mā bhagavantam abhyācakṣu na sādhu bhavati bhagavato ’bhyākhyānaṃ na ca punar bhagavān evam āha anekaparyāyeṇāyuṣmann āntarāyikā dharmāḥ santa āntarāyikā evoktā bhagavatā te ca pratisevyamānā alam antarāyāyeti || niḥsṛja tvam āyuṣmann idam evaṃrūpaṃ pāpakaṃ dṛṣṭigatam evaṃ cet sa bhikṣur bhikṣubhir ucyamānas tad vastu pratiniḥsṛjed ity evaṃ kuśalaṃ no cet pratiniḥsṛjed dvir api trir api samanuyoktavyaḥ samanuśāsitavyas tasya vastunaḥ pratiniḥsargāya dvir api trir api samanuyujyamānaḥ samanuśiṣyamāṇas tad vastu pratiniḥsṛjed ity evaṃ kuśalaṃ no cet pratiniḥsṛjet pāyantikā ||

pāyantika 56

yaḥ punar bhikṣur jānaṃs tathāvādinaṃ pudgalam akṛtānudharmāṇam apratiniḥsṛṣṭe tasmin pāpake dṛṣṭigate ālapet saṃlapet saṃvaset saṃbhuṃjīta tena vā sārdhaṃ sahāgāraśayyāṃ kalpayet pāyantikā ||

pāyantika 57

śramaṇoddeśaś cāpy evaṃ vadet tathāhaṃ bhagavato dharmaṃ deśitam ājānāmi yathā ye āntarāyikāḥ kāmā uktā bhagavatā tena pratisevyamānā nālam antarāyāyeti sa śramaṇoddeśo bhikṣubhir idaṃ syād vacanīyo mā tvam āyuṣmaṃ cchramaṇoddeśa evaṃ vocas tathāhaṃ bhagavato dharmaṃ deśitam ājānāmi yathā ye āntarāyikāḥ kāmā uktā bhagavatā pratisevyamānā nālam antarāyāyeti mā bhagavantam abhyācakṣu na sādhu bhavati bhagavato ’bhyākhyānaṃ na ca punar bhagavān evam āha anekaparyāyeṇa ya ..... āntarāyikāḥ kāmāḥ santa āntarāyikā evoktā bhagavatā te ca pratisevyamānā alam antarāyāyeti niḥsṛja tvam āyuṣmaṃ cchramaṇoddeśa idam evaṃrūpaṃ pāpakaṃ dṛṣṭigatam evaṃ cet sa śramaṇoddeśo bhikṣubhir ucyamānas tad vastu pratiniḥsṛjed ity evaṃ kuśalaṃ no cet pratiniḥsṛjed dvir api trir api samanuyoktavyaḥ samanuśāsitavyas tasya vastunaḥ pratiniḥsargāya dvir api trir api samanuyujyamānaḥ samanuśiṣyamāṇas tad vastu pratiniḥsṛjed ity evaṃ kuśalaṃ no cet pratiniḥsṛjet sa śramaṇoddeśo bhikṣubhir idaṃ syād vacanīyaḥ adyāgreṇa te āyuṣmaṃ cchramaṇoddeśa nāsau bhagavāṃs tathāgato ’rhan samyaksaṃbuddhaḥ śāstā vyapadeṣṭavyo nāpy anyatamānyatamo vijño gurusthānīyaḥ sabrahmacārī pṛṣṭhataḥ pṛṣṭhataḥ samanubaddhavyo yad apy anye śramaṇoddeśā labhante bhikṣubhiḥ sārdhaṃ dvirātraparamaṃ sahāgāraśayyāṃ sāpi te ’dyāgreṇa nāsti cara pareṇa mohapuruṣa naśya tvaṃ || yaḥ punar bhikṣur jānaṃs tathānāśitaṃ śramaṇoddeśam upasthāpayed upalāḍayet tena vā sārdhaṃ sahāgāraśayyāṃ kalpayet pāyantikā ||

pāyantika 58

na ca cīvarapratilambhād bhikṣuṇā trayāṇāṃ durvarṇīkaraṇānām anyatamānyatamad durvarṇīkaraṇaṃ nīlaṃ vā kardamaṃ vā kaṣāyaṃ vā anādāya ced bhikṣus trayāṇāṃ durvarṇīkaraṇānām anyatamānyatamaḥ durvarṇīkaraṇaṃ nīlaṃ vā kardamaṃ vā kaṣāyaṃ vā navaṃ cīvaraṃ paribhuṃjīta pāyantikā ||

pāyantika 59

yaḥ punar bhikṣu ratnaṃ vā ratnasaṃ­mataṃ vā svahastam udgṛhṇīyād udgrāhayed vā anyatrādhyārāmagatād vā adhyāvāsagatād vā pāyantikā || adhyārāmagatena bhikṣu ...... adhyāvāsa ||

.......................

pāyantika 62

.....kaścid asya bhikṣor muhūrtam apy asparśo bhaviṣyatīty etad eva pratyayaṃ kṛtvā pāyantikā ||

pāyantika 63

aṅgulipratodanāt pāyantikā ||

pāyantika 64

udakaharṣaṇāt pāyantikā ||

pāyantika 65

yaḥ punar bhikṣur mātṛgrāmeṇa sārdhaṃ sahāgāraśayyāṃ kalpayet pāyantikā ||

pāyantika 66

yaḥ punar bhikṣur bhikṣuṃ bhīṣayed bhīṣāpayed vā anantato hāsyaprekṣy api pāyantikā ||

pāyantika 67

yaḥ punar bhikṣur bhikṣor vā bhikṣuṇyā vā śikṣamāṇāyā vā śrāmaṇerakasya vā śrāmaṇerikāyā vā pātraṃ vā cīvaraṃ vā śikyaṃ vā saritaṃ vā kāyabandhanaṃ vā anyatamānyatamaṃ vā śrāmaṇakaṃ jīvitapariṣkāram upanidadhyād upanidhāpayed vānyatra tadrūpāt pratyayāt pāyantikā ||

pāyantika 68

yaḥ punar bhikṣur bhikṣoś cīvaram vā datvā tataḥ paścād apratyuddhārya paribhuṃjīta pāyantikā ||

pāyantika 69

yaḥ punar bhikṣur dviṣṭo dveṣād apratītaḥ śuddhaṃ bhikṣum anāpannam amūlakena saṃghāvaśeṣeṇa dharmeṇānudhvaṃsayet pāyantikā ||

pāyantika 70

yaḥ punar bhikṣur apuruṣayā striyā sārdham adhvānamārgaṃ pratipadyetāntato grāmāntaram api pāyantikā || ||

uddānam || steyonaviṃśati khanet pravāraṇā śikṣitavyaṃ kalahānāṃ tūṣṇīṃ viprakrāmed anādarāt surāpānam akāle ca || ☸ ||

pāyantika 71

yaḥ punar bhikṣuḥ steyasārthena sārdham adhvamārgaṃ pratipadyetāntato grāmāntaram api pāyantikā ||

pāyantika 72

yaḥ punar bhikṣur ūnaviṃśativarṣaṃ pudgalaṃ bhikṣubhāvāyopasaṃpādayet pāyantikā || sa ca pudgalo ’nupasaṃpannas te ca bhikṣavo garhyā ayaṃ tatra samayaḥ ||

pāyantika 73

yaḥ punar bhikṣuḥ svahastaṃ pṛthivīṃ khanet khānayed vā pāyantikā ||

pāyantika 74

cāturmāsikī bhikṣuṇā pravāraṇā svīkartavyā anyatra samayāt pāyantikā || tatrāyaṃ samayaḥ pratyekapratyekapravāraṇā punaḥ punaḥ pravāraṇā atyarthapravāraṇā nityapravāraṇā ayaṃ tatra samayaḥ ||

pāyantika 75

yaḥ punar bhikṣur bhikṣubhir ucyamāno syāt te āyuṣmaṃ cchikṣāyāṃ śikṣitavyaṃ sa evaṃ vaden nāhaṃ yuṣmākaṃ bālānāṃ mūḍhānām avyaktānām akuśalānāṃ vacanenāsyāṃ śikṣāyāṃ śikṣiṣye yāvan nāham anyān bhikṣūn prakṣyāmi sūtradharān vinayadharān mātṛkādharān iti pāyantikā || ājñātukāmena bhikṣuṇā tasyāṃ ca śikṣāyāṃ śikṣitavyaṃ bhikṣavaḥ praṣṭavyāḥ sūtradharā vinayadharā mātṛkādharā ayaṃ tatra samayaḥ ||

pāyantika 76

yaḥ punar bhikṣur bhikṣūṇāṃ kalahajātānāṃ viharatāṃ bhaṇḍanajātānāṃ vigṛhītānāṃ vivādam āpannānāṃ tūṣṇīm aupaśrutikayā tiṣṭhed yad ete bhikṣavo vakṣyanti tad ahaṃ śrutvā tathā tathānuvyahariṣyāmīty etad eva pratyayaṃ kṛtvā pāyantikā ||

pāyantika 77

yaḥ punar bhikṣuḥ saṃghasya dharmyāyāṃ viniścayakathāyāṃ kathyamānāyāṃ tūṣṇīṃ viprakrāmet santaṃ bhikṣum anavalokyānyatra tadrūpāt pratyayāt pāyantikā ||

pāyantika 78

anādarāt pāyantikā ||

pāyantika 79

surāmaireyamadyapānāt pāyantikā ||

pāyantika 80

yaḥ punar bhikṣur akāle grāmaṃ praviśet santaṃ bhikṣum anavalokyānyatra tadrūpāt pratyayāt pāyantikā || ☸ ||

uddānam sabhojane ’ruṇe dānīṃ sūcīgṛhakapādakāḥ nahyān niṣadanaṃ kaṇḍū śāṭī sugatacīvaraṃ || ☸ ||

pāyantika 81

yaḥ punar bhikṣuḥ sabhojane kule upanimantritaḥ pūrvabhaktaṃ paścādbhaktaṃ kuleṣu cāritram āpadyeta santaṃ gṛhiṇam anavalokyānyatra tadrūpāt pratyayāt pāyantikā ||

pāyantika 82

yaḥ punar bhikṣur anirgatāyāṃ rajanyām anudgate ’ruṇe anirhṛteṣu ratneṣu vā ratnasaṃmateṣu vā rājñaḥ kṣatriyasya mūrdhābhiṣiktasyaindrakīlaṃ vā indrakīlasāmantakaṃ vā samabhiḥ...


pariśuddhā atrāyuṣmanto yasmāt tuṣṇīm evam etad dhārayāmi || ☸ ||

4 pratideśanīya rules

uddānam || grāmam antargṛhaṃ caiva śaikṣāṇy āraṇyakena ca prātideśyāni coktāni buddhena hitavādinā || ☸ ||

ime punar āyuṣmantaś catvāraḥ pratideśanīyā dharmā anvardhamāsaṃ prātimokṣasūtroddeśam āgacchanti

pratideśanīya 1

yaḥ punar bhikṣur ajñātikāyā bhikṣuṇyā rathyāgatāyā grāmaṃ piṇḍāya carantyā antikāt svahastaṃ khādanīyabhojanīyaṃ pratigṛhya khāded bhuñjīta vā tena bhikṣuṇā bahir ārāmaṃ gatvā bhikṣūṇām antike pratideśayitavyam garhyam asmy āyuṣmantaḥ sthānam āpanno ’sātmyaṃ pratideśanīyaṃ taṃ dharmaṃ pratideśayāmy ayaṃ dharmaḥ pratideśanīyaḥ ||

pratideśanīya 2

bhikṣavaḥ khalu saṃbahulāḥ kuleṣūpanimantritā bhuṃja tatra ced bhikṣuṇī vyapadiśati sthitā syād iha khādyakaṃ dehi iha odanaṃ dehi iha sūpikaṃ dehi iha bhūyo dehīti sā bhikṣuṇī tair bhikṣubhir idaṃ syād vacanīyā āgamaya tāvat tvaṃ bhagini muhūrtaṃ tūṣṇī yāvad ime bhikṣavo bhuṃjate ekabhikṣor api cenna pratibhāyantāṃ bhikṣuṇīm evaṃ vaktuṃ sarvais tair bhikṣubhir idaṃ syād vacanīya bahir ārāmaṃ gatvā bhikṣūṇām antike pratideśayitavyaṃ garhyaṃ vayam āyuṣmantaḥ sthānam āpannā āsātmyaṃ pratideśanīyaṃ dharmaṃ pratideśayāmo ’yam api dharmaḥ pratideśanīyaḥ

pratideśanīya 3

yāni tāni saṃghasya śaikṣāṇi kulāni bhavanti śikṣāsaṃvṛtisaṃmatāni || yaḥ punar bhikṣus tadrūpeṣu saṃghasya śaikṣeṣu kuleṣu śikṣāsaṃvṛtisaṃmateṣu pūrvam apravāritaḥ san upasaṃkramya svahastaṃ khādanīyabhojanīyaṃ pratigṛhya khāded bhuṃjīta vā tena bhikṣuṇā bahir ārāmaṃ gatvā bhikṣūṇām antike pratideśayitavyaṃ garhyam asmy āyuṣmantaḥ sthānam āpanno ’sātmyaṃ pratideśanīyaṃ taṃ dharmaṃ pratideśayāmy ayam api dharmaḥ pratideśanīyaḥ

pratideśanīya 4

yāni tāni saṃghasyāraṇyakāni śayanāsanāni bhavanti sāśaṃkasaṃmatāni sabhayasaṃmatāni sapratibhayabhairava­saṃ­matāni || yaḥ punar bhikṣus tadrūpeṣu saṃghasyāraṇyakeṣu śayanāsaneṣu sāśaṃkasaṃmateṣu sabhayasaṃmateṣu sapratibhayabhairava­saṃ­mateṣu sarvam apratisaṃvidite vane bahir ārāmasya khādanīyabhojanīyaṃ pratigṛhyānte ārāmasya khāded bhuṃjīta vā tena bhikṣuṇā bhikṣūṇām antike pratideśayitavyaṃ garhyam asmy āyuṣmantaḥ sthānam āpanno ’sātmyaṃ pratideśanīyaṃ taṃ dharmaṃ pratideśayāmy ayam api dharmaḥ pratideśanīyaḥ ||


uddiṣṭā me āyuṣmantaś catvāraḥ pratideśanīyā dharmās tatrāham āyuṣmantaḥ paripṛcchāmi kaccit sthātra pariśuddhāḥ dvir api trir api paripṛcchāmi kaccit sthātra pariśuddhāḥ pariśuddhā atrāyuṣmanto yasmāt tūṣṇīm evam etad dhārayāmi || ☸ ||

śaikṣā

uddānaṃ || nivāsanena sapta syus trayaś copari cīvare saṃ­vṛtodguṇṭhikollaṃ­ghikayā kāyena ..... || ☸ ||

ime khalv āyuṣmantaḥ saṃbahulāḥ śaikṣā dharmā anvardhamāsaṃ prātimokṣasūtroddeśam āgacchanti ||

śaikṣā 1

parimaṇḍalaṃ nivāsanaṃ nivāsayiṣyāma iti śikṣā karaṇīyā ||

śaikṣā 2–7

śaikṣā 2

nātyutkṛṣṭaṃ

śaikṣā 3

nātyapakṛṣṭaṃ

śaikṣā 4

na hastiśuṇḍakaṃ

śaikṣā 5

na tālavṛndakaṃ

śaikṣā 6

na kulmāṣapiṇḍakaṃ

śaikṣā 7

na nāgaśīrṣakaṃ nivāsanaṃ nivāsayiṣyāma iti śikṣā karaṇīyā ||

śaikṣā 8

parimaṇḍalaṃ cīvaraṃ prāvariṣyāma iti śikṣā karaṇīyā ||

śaikṣā 9–10

śaikṣā 9

nātyutkṛṣṭaṃ

śaikṣā 10

nātyapakṛṣṭaṃ cīvaraṃ prāvariṣyāma iti śikṣā karaṇīyā ||

śaikṣā 11–15

śaikṣā 11

susaṃvṛtā

śaikṣā 12

supraticchannā

śaikṣā 13

alpaśabdā

śaikṣā 14

anutkṣiptacakṣuṣo

śaikṣā 15

yugamātradarśino ’ntargṛhaṃ gamiṣyāma iti śikṣā karaṇīyā ||

śaikṣā 16–20

śaikṣā 16

nodguṇṭhikā

śaikṣā 17

notkṛṣṭikayā

śaikṣā 18

notsaktikayā

śaikṣā 19

na vyastikayā

śaikṣā 20

na paryastikayā antargṛhaṃ gamiṣyāma iti śikṣā karaṇīyā ||

śaikṣā 21–25

śaikṣā 21

nollaṃghikayā

śaikṣā 22

nojjaṃghikayā

śaikṣā 23

notkuṭukikayā

śaikṣā 24

na nikuṭotkuṭukikayā

śaikṣā 25

na khaṃbhākṛtā antargṛhaṃ gamiṣyāma iti śikṣā karaṇīyā ||

śaikṣā 26–30

śaikṣā 26

na kāyapracālakaṃ

śaikṣā 27

na bāhupracālakaṃ

śaikṣā 28

na śīrṣapracālakaṃ

śaikṣā 29

nāṃ­sotḍhaukikayā

śaikṣā 30

na hastasaṃlagnikayā antargṛhaṃ gamiṣyāma iti śikṣā karaṇīyā || ☸ ||

uddānaṃ kuryān na viniṣatsyāmīty aṣṭau cāpi pratigrahe paṃca catus sapta paṃca satkṛtyādi tu bhojane || ☸ ||

śaikṣā 31

nānanujñātā antargṛhe āsane niṣatsyāma iti śikṣā karaṇīyā ||

śaikṣā 32–38

śaikṣā 32

nāpratyavekṣyāsanaṃ sarvakāyaṃ samavadhāya

śaikṣā 33

na pāde pādam ādhāya

śaikṣā 34

na gulphe gulpham ādhāya

śaikṣā 35

na sakthani sakthi ādhāya

śaikṣā 36

na saṃkṣipya pādau

śaikṣā 37

na vikṣipya pādau

śaikṣā 38

na viḍaṃgikayā antargṛha āsane niṣatsyāma iti śikṣā karaṇīyā ||

śaikṣā 39

satkṛtya piṇḍapātaṃ pratigrahīṣyāma iti śikṣā karaṇīyā ||

śaikṣā 40–43

śaikṣā 40

na samatittikaṃ

śaikṣā 41

samasūpikaṃ

śaikṣā 42

sāvadānaṃ

śaikṣā 43

pātrasaṃjñinaṃ piṇḍapātaṃ pratigrahīṣyāma iti śikṣā karaṇīyā || .....